अरबाजच्या दुसऱ्या लग्नात मुलाचं गाणं, नव्या वहिनीबरोबर भाईजाननं धरला ठेवा, Video

मुंबई, 25 डिसेंबर : अभिनेता अरबाज खान यानं वयाच्या 57व्या वर्षी दुसरं लग्न केलं. गर्लफ्रेंड शौराबरोबर अरबाजनं दुसरं लग्न केलं. अरबाजच्या लग्नाला संपूर्ण खान कुटुंबीय आणि बॉलिवूडमधील जवळच्या मित्र मैत्रिणींनी उपस्थिती लावली होती. ख्रिसमसच्या मुहूर्तावर अरबाजचं लग्न करत डबल सेलिब्रेशन केलं. अरबाजच्या लग्नात सगळेच आनंदाच सहभागी झाले होते. बहिण अर्पिताच्या घरी अरबाजच्या लग्नाची तयारी करण्यात आली होती. मोठ्या धुमधडक्यात अरबाजचं दुसरं लग्न पार पडलं. अरबाजच्या लग्नात त्याच्या मुलानं खास गाणं देखील सादर केलं. इतकंच नाही स्वत: भाईजान देखील नव्या वहिनीबरोबर नाचताना दिसला.