दुसरं बाळ येण्याआधीच Bharti Singh करतेय तिसऱ्या बाळाचं प्लॅनिंग? हर्ष लिंबाचिया म्हणाला,"मुलगा झाला तर…"

Bharti Singh Harsh Limbachiyaa : कॉमेडियन भारती सिंह आणि टीव्ही होस्ट हर्ष लिंबाचिया दुसऱ्यांदा आई-वडील होणार आहेत. आधीच एका मुलाचे पालक असलेले हर्ष आणि भारती यावेळी मुलगी व्हावी अशी इच्छा व्यक्त करत आहेत. मात्र अलीकडेच त्यांच्या यूट्यूब चॅनेल ‘भारती टीव्ही’ वरील पॉडकास्टमध्ये हर्षने तिसऱ्या बाळाची प्लॅनिंग सुरू असल्याचं सांगितलं. नुकतंच या जोडप्याने त्यांच्या पॉडकास्टमध्ये सोनाली बेंद्रेला आमंत्रित केलं होतं. या दरम्यान मातृत्वाच्या प्रवासाबद्दल बोलताना सोनाली यांनी सांगितलं की, त्यांना फक्त एकच मूल आहे. यावर भारतीने दुसऱ्यांदा आई होण्याबाबतच्या तिच्या चिंता व्यक्त केल्या. सोनाली यांनी तिला समजावत सांगितलं की भारती आधीपासूनच एक अनुभवी आई आहे. संभाषण पुढे नेत हर्ष म्हणाला,"आम्ही थांबणार नाही, भारती".