Riteish Deshmukh: रितेश देशमुखला मोठा धक्का, आगामी चित्रपटावर सेन्सॉरची कात्री! 'ते' सीन्स काढावे लागणार

मुंबई: बॉलिवूडमध्ये आपल्या एडल्ट कॉमेडीमुळे लोकप्रिय असलेली 'मस्ती' फ्रँचायझी आता चौथा भाग 'मस्ती ४' घेऊन प्रेक्षकांच्या भेटीला यायला सज्ज झाली आहे. मात्र, चित्रपट प्रदर्शित होण्यापूर्वीच सेन्सॉर बोर्डाने चित्रपटातील अनेक दृश्यांवर आणि डबल मीनिंग अश्लील डायलॉग्सवर जोरदार आक्षेप घेतला आहे. कोणताही चित्रपट थिएटरमध्ये प्रदर्शित होण्यापूर्वी त्याला सेन्सॉर बोर्डाचे प्रमाणपत्र घेणे आवश्यक असते. 'मस्ती ४' च्या बाबतीतही असेच झाले आणि बोर्डाने अनेक दृश्यांवर 'कात्री' चालवण्याचे आदेश दिले.