Chala Hava Yeu Dya New Season : 'चला हवा येऊ द्या' परत येतोय? कुशल-श्रेयाच्या फोटोंनी वाढवली उत्सुकता

मुंबई : मराठी टेलिव्हिजनवरील प्रसिद्ध कॉमेडी शो 'चला हवा येऊ द्या'. या शोने मागील वर्षी प्रेक्षकांचा निरोप घेतला. भाऊ कदम, कुशल बद्रिके, भारत गणेशपुरे, सागर कारंडे, श्रेया बुगडे आणि डॉ. निलेश साबळे या कलाकारांनी प्रेक्षकांचं प्रचंड मनोरंजन केलं. तब्बल 10 वर्ष हा कार्यक्रम टेलिव्हिजनवर सुरू होता. प्रेक्षकांना खळखळून हसविणाऱ्या शोने प्रेक्षकांचा निरोप घेतल्यानंतर अनेकांनी नाराजी व्यक्त केली होती. पण काही महिन्यांच्या विश्रांतीनंतर 'चला हवा येऊ द्या' पुन्हा एकदा प्रेक्षकांच्या भेटीला येत आहे अशा चर्चा सुरू झाल्या आहेत. अभिनेता कुशल बद्रिके आणि श्रेया बुगडे यांचे काही फोटो व्हायरल होत आहेत. ज्यामुळे 'चला हवा येऊ द्या' पुन्हा सुरू होणार असल्याचं म्हटलं जातंय.