Trending:

Dnyanada Show : अंडरवर्ल्ड डॉनच्या नादाला लागली अन् आयुष्याची वाट लावली, मराठी हिराईनची अशीही लव्ह स्टोरी

Published by:Minal Gurav

Last Updated:August 17, 2024 5:32 PM IST

चाहत्यांच्या मनावर राज्य करणारी ही नायिका या प्रकरणामुळे अचानक खलनायिका झाली. आता सात वर्षांनी सबळ पुराव्यांअभावी तिची या प्रकरणातून निर्दोष मुक्तता झालीये.

मुंबई : बोल्ड,ब्युटिफूल अँड गोर्जियस, या तीन शब्दात जिच्या सौंदर्याचं वर्णय व्हायचं.. 1990च्या दशकात जिच्या अदांनी कोट्यवधी फॅन्सचा काळजाचा ठोका चुकायचा, जिच्या घाऱ्या डोळ्यांनी चाहते घायाळ व्हायचे, अशी सौंदर्याची खाण असलेली अभिनेत्री म्हणजे ममता कुलकर्णी. पण, 90च्या दशकात बॉलिवूड गाजवणारी ही अभिनेत्री 2016 साली पुन्हा एकदा लाईमलाईटमध्ये आली. पण यावेळी तिची चर्चा कोणत्याही सिनेमासाठी होत नव्हती. तर तिच्याविरोधात ड्रग्ज प्रकरणी गुन्हा दाखल झालेला. चाहत्यांच्या मनावर राज्य करणारी ही नायिका या प्रकरणामुळे अचानक खलनायिका झाली. आता सात वर्षांनी सबळ पुराव्यांअभावी तिची या प्रकरणातून निर्दोष मुक्तता झालीये. आता ममता भारतात परतणार का याचीही उत्सुकता आहे..

2016 साली ममता कुलकर्णी विरोधात NDPS ऍक्टअंतर्गत गुन्हा दाखल झाला. ठाणे परिसरात दाखल झालेल्या या गुन्ह्यात ममतावर आरोप होता सोलापुरच्या अॅव्हान लाईफ सायन्स कंपनीतून केनियाला इफिड्रेन पावडरच्या स्मगलिंगचा. केनियातील एका हॉटेलमध्ये या तस्करीचा कट रचण्यात आला. या मिटिंगमध्ये ममता कुलकर्णी विकी गोस्वामी आणि मनोज जैन या दोघांसोबत मीटिंगला हजर होती असा दोषारोपपत्रात सांगण्यात आलं. याप्रकरणी नंतर आणखी काही जणांना अटक झाली. त्यांच्याकडून एक किलो इफिड्रेन पावडर जप्त करण्यात आली.

( 2 लग्न मोडली, 11 वर्ष छोट्या अभिनेत्यासोबत जोडलं नाव; आता सिंगल आयुष्य जगते 'ही' अभिनेत्री! )

फक्त मिटिंगला हजर राहण्यानं दोषारोप सिद्ध होत नसल्याचं सांगत मुंबई हायकोर्टानं आता ममता कुलकर्णी निर्दोष ठरवंय. पण, यशस्वी अभिनेत्री ते ड्रग्ज तस्करीच्या आरोपांपर्यतचा ममताचा प्रवास मोठा धक्कादायक आहे. ममता कुणकर्णी ड्रग्ज तस्करांच्या संपर्कात येण्याआधीच अंडरवर्ल्ड डॉन्सच्या जाळ्यात अडकली होती..

यातला पहिला किस्सा आहे १९९२ सालचा. बॉलिवूडमध्ये प्रवेश करणाऱ्या ममता कुलकर्णीवर एकेकाळच्या दाऊद गँगचा डॉन छोटा राजनची नजर पडली आणि पुढे ममताला काही फिल्म मिळाव्यात यासाठी राजननं थेट निर्मात्यावर दबाव टाकल्याच्या बातम्या येऊ लागल्या.

असाच आणखी एक किस्सा 1999 सालच्या आलेल्या चायना गेट चित्रपटाबाबतही सांगितला जातो. 'घातक' या चित्रपटातील 'मारा रे' या गाण्यात ममताचा स्पेशल अपिअरन्स होता. या चित्रपटाचे दिग्दर्शन राजकुमार संतोषी यांनी केले होतं. राजकुमार यांनी 1999 मध्ये प्रदर्शित झालेला 'चायना गेट' हा चित्रपट बनवण्याचा निर्णय घेतला तेव्हा त्यांनी ममताला या चित्रपटासाठी साइन केलं.

खरं तर राजकुमार कास्टिंगवर खूश नव्हते आणि ते नायिका बदलण्याच्या विचारात होते.राजकुमार यांनी ममताला चित्रपटातून काढून टाकताच त्यांना अंडरवर्ल्ड डॉन छोटा राजनकडून धमकीचे फोन येऊ लागले. छोटा राजनकडून धमक्या आल्यानंतर राजकुमार यांनी ममताला चित्रपटात कायम ठेवलं.

Location :

Mumbai,Maharashtra

First Published :

August 09, 2024 4:16 PM IST

Dnyanada Show : अंडरवर्ल्ड डॉनच्या नादाला लागली अन् आयुष्याची वाट लावली, मराठी हिराईनची अशीही लव्ह स्टोरी