Exclusive : दुनियादारी फेम अभिनेत्यानं सांगितल्या दिवाळीच्या अनोख्या गमतीजमती, VIDEO

मुंबई - दिवाळी सणाला विशेष महत्त्व आहे. प्रकाशाचा, चैतन्याचा या उत्सवाची प्रत्येकजण वाट पाहतो. सध्या प्रत्येकजण दिवाळी साजरी करण्यात मग्न आहे. सर्वसामान्यांपासून मनोरंजन विश्वातील कलाकार मंडळींही मोठ्या उत्साहाने दिवाळी साजरा करत आहेत. याच निमित्ताने अभिनेता प्रणव रावराणे याने यंदाची दिवाळी कशी साजरा केली, हे जाणून घेऊयात.

लोकल18 च्या टीमने त्याच्याशी विशेष संवाद साधला. मराठी चित्रपटसृष्टीतील अष्टपैलू तरुण प्रतिभांपैकी एक आणि दुनियादारी सारख्या ब्लॉकबस्टर चित्रपटांमधून सॉरी या कॅरॅक्टरने अभिनेता प्रणव रावराणे प्रेक्षकांच्या मनात घर केले आहे. प्रणव रावराणे हा प्रतिभावान आणि बहुमुखी अभिनेता आहे. तो चित्रपट आणि टीव्हीवरील लोकप्रिय चेहरा आहे. 'दुनियादारी ' मधील ' सॉरी ' ही व्यक्तिरेखा साकारताना त्याच्या प्रतिभेने त्याला लोकप्रिय केले. यासोबतच त्याने भागम भाग, अबन्नी उडवला बार, धव मन्या धव, हिप हिप हुर्रे, 22 जून, व्हॉट ॲन आयडिया, हृदयनाथ आणि चंडी यांसारख्या अनेक मराठी चित्रपटांमध्ये आव्हानात्मक भूमिकाही साकारल्या आहेत.

सामान्यांप्रमाणे सेलिब्रिटीसुद्धा दिवाळी सणाची मोठ्या आतुरतेने वाट पाहतात. त्याचप्रमाणे दिवाळी निमित्त यांच्याशी गप्पा साधताना यंदाची दिवाळी या अभिनेत्रीला खूप खास गेली आहे, असे त्याने म्हटले. यामागचे कारण असे की, या वर्षात त्याने अनेक नवीन प्रोजेक्ट केले आहेत. मुक्काम पोस्ट बोंबिलवाडीचे शूटिंग केले, त्यानंतर वस्त्रहरण नाटकांचे प्रयोगही आखलेले आहेत. त्यामुळे यंदाची दिवाळी पॉवर पॅक धमाकेदार म्हणून अनेक कामाच्या गोष्टींनी रंगली आहे, असे अभिनेता प्रणव रावराणे याने यावेळी सांगितले. यावेळी त्याने त्याच्या सर्व चाहत्यांना दिवाळीच्या शुभेच्छाही दिल्या.

दिवाळीनिमित्त काही मित्रांसोबतचे अविस्मरणीय क्षणांबाबत तो म्हणाला की, दिवाळी दरम्यान शॉपिंग करताना त्याच्या 3 मित्रांनी एकच वेळेत वेगवेगळ्या ठिकाणाहून सेम रंगाचे शर्ट परिधान केले होते. यावरून त्याने असे तात्पर्य सांगितले की, मैत्रीची पकड जेवढी घट्ट असते, तेवढी त्या मैत्रीचे विचारही तेवढेच मिळते जुळते, घट्ट असले पाहिजेत.