'माझ्यासमोर शहाणपणा करायचा नाही' जान्हवी किल्लेकर आणि गोलीगत सूरजमध्ये जुंपली

मुंबई : बिग बॉस मराठी 5 सुरु होऊन आठवडा झाला. आठवडाभरात जे काही घडलं त्यावर विकेंडला रितेश भाऊंचा धक्काही झाला. यामध्ये सगळ्याच स्पर्धकांना त्यांच्या चुका दाखवून त्यांचा क्लास घेतला. यासोबत एक एलिमिनेशनही झालं. बिग बॉस मराठीच्या घरामधून पहिल्याच आठवड्यात कीर्तनकार पुरुषोत्तमदादा पाटील बाहेर पडले आहेत. 'राम कृष्ण हरी' म्हणत त्यांनी बिग बॉसच्या घरातून एक्झिट घेतली. आता आजपासून दुसरा आठवडा सुरु होतोय. सिझनचा नववा दिवस. दुसऱ्या आठवड्याच्या पहिल्याच दिवशी जान्हवी आणि सूरजचा गोलीगत झगडा होणार आहे. याचा नवा प्रोमोही समोर आलाय.