हेलन यांचा एक्स पतीकडून छळ, या बॉलिवूड स्टारचा अंडरवर्ल्ड डॉनला फोन, मारियांनी केलं उघड
- Published by:Manjiri Pokharkar
Last Updated:
Helan was Abused by Ex Husband : अभिनेत्री हेलन आणि अभिनेते दिलीपकुमार यांचे मुंबईचा पहिला अंडरवर्ल्ड डॉन करीम लाला यांच्यासोबत कनेक्शन असल्याचं समोर आलं आहे.
Bollywood : मुंबईचे माजी पोलीस आयुक्त रातेश मारिया यांच्या 'व्हेन इट ऑल बिगेन : द अनटोल्ड स्टोरीज ऑफ द अंडरवर्ल्ड' या पुस्तकाचा प्रकाशन सोहळा नुकताच पार पडला. या पुस्तकात अनेक रंजक गोष्टी लिहिल्या गेल्या आहेत. पण एका रंजक कहाणीने मात्र सर्वांचं लक्ष वेधून घेतलं आहे. प्रसिद्ध अभिनेत्री हेलन, अभिनेते दिलीपकुमार आणि 1960 ते 1980 मधील मुंबईचा पहिला अंडरवर्ल्ड डॉन करीम लाला यांचे कनेक्शन असल्याचं या पुस्तकात लिहिलं गेलं आहे. हेलन यांचा एक्स पतीकडून छळ होत असे. त्यांनी अभिनेत्रीला घराबाहेरदेखील काढले होते. त्यावेळी हेलन यांनी दिलीप कुमार यांची मदत घेत करीम लाला यांची भेट घेतली. अखेर हेलन यांच्या मदतीला करीम लाला आले असल्याचा किस्सा 'व्हेन इट ऑल बिगेन : द अनटोल्ड स्टोरीज ऑफ द अंडरवर्ल्ड' या पुस्तकात लिहिला गेला आहे.
राकेश मारिया यांनी आपल्या 'व्हेन इट ऑल बिगेन : द अनटोल्ड स्टोरीज ऑफ द अंडरवर्ल्ड' या पुस्तकात लिहिल्याप्रमाणे,"हेलन यांना 1958 मध्ये वयाच्या 19 व्या वर्षी पहिला ब्रेक मिळाला. अभिनयक्षेत्रात पदार्पण केल्यानंतर त्यांना अनेक चांगल्या भूमिका मिळाल्या. हेलन यांनी तब्बल 700 पेक्षा अधिक चित्रपटात आपल्या अभिनयाची छाप पाडली आहे. हेलन आणि पी एन अरोडा 1957 मध्ये विवाहबंधनात अडकले होते. लग्नानंतर हेलन सिनेसृष्टीत काम करत असल्या तरी त्यांची संपत्ती आणि पैसे सांभाळण्याची जबाबदारी पी एन अरोडा यांनी घेतली होती. त्यावेळी पी एन अरोडा यांचं करिअर सुरळित सुरू नव्हतं. हळूहळू पी एन अरोडा यांनी अभिनेत्रीचा छळ करायला सुरुवात केली. पण हेलन मात्र शांततेत सर्व सहन करित होत्या".
advertisement
अन् हेलनच्या मदतीला आला कुख्यात डॉन करीमलाला
हेलन यांना एकेदिवशी पी एन अरोडा यांनी घराबाहेर काढले. त्यावेळी निराधार झालेल्या हेलन यांनी जवळचे मित्र असलेल्या दिलीप कुमार आणि सलीम खान यांच्याकडे मदत मागितली. दिलीप कुमार यांनी एका पत्राद्वारे करीम लाला यांच्यासोबत संपर्क साधला. पुढे करीम लाला यांनी हेलनला भेटायला बोलावले. पुस्तकात लिहिल्यानुसार, करीम लाला दरबारात आले त्यावेळी त्यांनी लगेचच हेलन यांना ओळखले. पण तरी असिस्टंटला सांगून त्यांनी हेलन यांना त्यांच्या पत्नीजवळ घेऊन जायला सांगितले. थोड्यावेळानंतर करीम लाला आणि हेलन यांची भेट झाली. सर्व प्रकार हेलन यांनी करीम लाला यांना सांगितला. पुढे सर्व सत्य असल्याचं करीम लाला यांना कळलं आणि त्यांनी अभिनेत्रीला घर मिळेल, जा घरी आता असं वचन दिलं.
advertisement
हेलन ज्यावेळी घरी पोहोचल्या त्यावेळी त्यांना शॉक बसला होता. कारण त्यांचा पती पी. एन, अरोडा ते घर सोडून गेला होता. तसेच अभिनेत्रीची सर्व संपत्तीदेखील त्याने तिथेच ठेवली होती. पुढे हेलन आणि पी.एन. अरोडा 1974 मध्ये विभक्त झाले. त्यानंतर हेलन आणि सलीम खान 1981 मध्ये लग्नबंधनात अडकले.
advertisement
रोहित शेट्टीने केली बायोपिकची घोषणा
view comments'व्हेन इट ऑल बिगेन : द अनटोल्ड स्टोरीज ऑफ द अंडरवर्ल्ड' या पुस्तक प्रकाशनादरम्यान बॉलिवूडचा लोकप्रिय दिग्दर्शक रोहित शेट्टीने आपल्या आगामी बायोपिकची घोषणा केली. मुंबईतील 26/11 चा हल्ला केंद्रस्थानी ठेवून मारियांवर बायोपिक करत असून सध्या शूटिंग सुरू असल्याचं यावेळी रोहित शेट्टीने सांगितलं. 26 नोव्हेंबर रोजी हल्ला झाल्यानंतर मारियांनी केलेले 1300 कॉलचे नियंत्रण हा या बायोपिकचा कणा असेल, असं तो यावेळी म्हणला.
Location :
Mumbai,Maharashtra
First Published :
November 30, 2025 9:23 AM IST
मराठी बातम्या/मनोरंजन/
हेलन यांचा एक्स पतीकडून छळ, या बॉलिवूड स्टारचा अंडरवर्ल्ड डॉनला फोन, मारियांनी केलं उघड
