Kantara Chapter 1 Trailer : 'कांतारा'च्या जगातील रहस्य उलगडणार! जबरदस्त ट्रेलर, तिच्या एन्ट्रीने लक्ष वेधलं, VIDEO

'कांतारा चॅप्टर 1' मध्ये कांताराचं सगळं रहस्य समोर येणार आहे. ऋषभ शेट्टीचा पुन्हा एकदा वेगळा आणि जबरदस्त अंदाज पाहायला मिळतोय. ऋषभ शेट्टीबरोबर असलेल्या त्या अभिनेत्रीनं सर्वांचं लक्ष वेधलं आहे. हा सिनेमा एक भव्य पॅन-इंडिया फिल्म म्हणून ओळखला जात आहे.  आणि तिच्या घोषणेनंतरपासूनच ती प्रेक्षकांच्या आणि माध्यमांच्या चर्चेचा विषय ठरला आहे.

( Saiyaara : सैयाराचं वेड अजूनही कायम! 500 कोटींची कमाई; आता नवा रेकॉर्ड, तो काय? )

ट्रेलरमध्ये निर्मात्यांनी फारसे तपशील उघड न करता, एक गूढतेचा माहोल तयार केला आहे. या प्रीक्वलमधील रहस्यच चाहत्यांच्या मनात अनेक प्रश्न निर्माण करत आहे. नेमकं काय घडणार आहे आणि या वर्षीच्या सर्वात मोठ्या चित्रपटात काय नवीन पाहायला मिळणार? याकडे सर्वांचं लक्ष लागून आहे.

अभिनेता ऋषभ शेट्टीसोबत रुक्मिणी वसंत आणि गुलश दवैया हे कलाकारही प्रमुख भूमिकेत आहेत. रुक्मिणी वसंत आणि ऋषभ शेट्टीचे रोमँटिक सीन्सही पाहायला मिळत आहेत. रुक्मिणी वसंत हा एक नवा चेहरा यानिमित्तानं प्रेक्षकांसमोर येणार आहे.

निर्मात्यांनी सोशल मीडियावर एक जबरदस्त व्हिडिओ शेअर करत ट्रेलरची अधिकृत घोषणा केली. 'कांतारा: चैप्टर 1'ची एक खास पोस्ट म्हणजे या सिनेमात राष्ट्रीय आणि आंतरराष्ट्रीय तज्ज्ञांच्या मदतीने एक भव्य वॉर सीक्वेन्स तयार केला आहे. या सीक्वेन्समध्ये 500 हुन अधिक कुशल फाइटर्स आणि 3000 लोक सहभागी आहेत. हा सीन 25 एकरच्या खडतर भूप्रदेशात, तब्बल 45- 50 दिवसांच्या शूटिंगनंतर चित्रित करण्यात आला आहे.  ज्यामुळे तो भारतीय चित्रपटसृष्टीतील सर्वात भव्य सीक्वेन्सपैकी एक ठरतो.

'कांतारा: चैप्टर 1' येत्या 2 ऑक्टोबरला जगभरात रिलीज होणार आहे. कन्नड, हिंदी, तेलुगू, मल्याळम, तमिळ, बंगाली आणि इंग्रजी भाषांमध्ये हा सिनेमा पाहायला मिळणार आहे.