Indias Top Comedian : खिशात 1200 रुपये, वडापाव खाऊन काढले दिवस; आज आहे TV चा सर्वात महागडा कॉमेडियन

देशातील टॉपचा यशस्वी विनोदवीर अर्थात कपिल शर्माचा जन्म 2 एप्रिल 1981 मध्ये पंजाबमधील अमृतसरमध्ये झाला. त्याचे वडील जितेंद्र कुमार एक हेड कांस्टेबल होते. तर आई रानी एक गृहिणी. कपिल लहानपणापासूनच खूप मस्तीखोर आणि चुलबुला होता. टीव्ही पाहून कलाकारांच्या नकला करण्याची कपिलला आवड होती. लहानपणापासूनच आपल्या विनोदबुद्धिने तो लोकांचं मनोरंजन करत असे. त्यावेळी हा विनोदवीर उद्या संपूर्ण जगावर राज्य करेल असं कोणालाही वाटलं नव्हतं.

कपिल शर्माने वयाच्या दहाव्या वर्षी एका पीसीओमध्ये काम करण्यास सुरुवात केली होती. वडिलांच्या निधनानंतर खूप लहान वयात कुटुंबाचा उदरनिर्वाह करणाऱ्या कपिलला आपले स्वत:चे खर्च भागवण्यासाठी हे मनाविरुद्ध काम करावे लागले. कपिलचं संगणक आणि कमर्शियल आर्ट्सचंमध्ये शिक्षण झालं आहे.

लाफ्टर चॅलेंज जिंकल्यानंतर कपिल शर्माच्या यशाच्या प्रवासाला खऱ्या अर्थाने सुरुवात झाली. अडचणी तर आल्या, पण कपिलने आपल्या आईसोबत मिळून प्रत्येक संकटाचा ठामपणे सामना केला. त्यांनी स्वतःचा कॉमेडी शो 'कॉमेडी नाईट्स विथ कपिल' सुरू केला, जो टेलिव्हिजनवर प्रचंड यशस्वी ठरला आणि त्यांनी यशस्वी होस्ट व कॉमेडियनच्या यादीत आपलं नाव कायमचं कोरलं. कपिलने पुरस्कार समारंभांचं सूत्रसंचालन देखील सुरू केलं. कपिल आजच्या घडीला एक टॅलेंटचा खजिना आहे. होस्टिंग, अ‍ॅक्टिंगपासून ते सिंगिंगपर्यंत तो सर्व काही करतोय. त्याने सिंगिंग रिअ‍ॅलिटी शो स्टार या रॉकस्टार मध्येही भाग घेतला, जिथे त्याला दिग्गज गायिका लता मंगेशकर, सोनू निगम आणि सलीम-सुलेमान यांच्याकडून भरपूर प्रशंसा मिळालेली.