Sanjay Dutt : 'पायच मोडून टाकेन', संजय दत्तची लेकीला धमकी; बॉलिवूडमध्ये नो एन्ट्री, पण का?

बॉलिवूड अभिनेता संजय दत्त यांनी आपल्या चित्रपटांनी आणि दमदार अभिनयाने प्रेक्षकांची मने जिंकली आहेत. बॉलिवूडच्या सुपरस्टार्समध्ये संजू बाबाचाही समावेश आहे. आज अनेक सुपरस्टार्चची मुलं अभिनयक्षेत्रात आपलं नाणं खणखणीत वाजवत आहेत. संजय दत्त यांची मोठी लेक त्रिशाला दत्तलादेखील बॉलिवूडमध्ये पदार्पण करायचं होतं.

त्रिशाला दत्त सोशल मीडियावर खूप सक्रिय असते. पण बॉलिवूडपासून मात्र ती अंतर ठेवूनच आहे. खरंतर त्रिशालाला अभिनेत्री व्हायचं होतं. पण अभिनयात करिअर करण्यापासून संयज दत्त यांनी तिला अडवलं. 2017 मध्ये माध्यमांशी बोलताना संजय दत्त यांनी त्यांची मोठी मुलगी त्रिशालाबद्दल भाष्य केलं होतं. त्यांनी ऑनस्क्रीन मुलगी अदिती राव हैदरी आणि रिअल लाईफमधील मुलगी त्रिशालासोबत तुलना करत असं म्हटलं होतं,"जर त्रिशालाने अभिनय क्षेत्र निवडलं असतं, तर मी तिचे पाय मोडून टाकले असते, पण अदितीसोबत मी असं करणार नाही".

कोईमोईच्या बातमीनुसार, 2013 मध्ये संजय दत्त यांनी सांगितलं होतं,"मला खूप आनंद झालाय की त्रिशालाचं अभिनयाचं भूत उतरलं आहे. अभिनयात येण्याचं तिचं स्वप्न आता बदललं आहे. ती खूप समजदार मुलगी आहे आणि तिने फॉरेन्सिक सायन्समध्ये शिक्षण घेतलं आहे".

संजय दत्त म्हणालेले,"मला समजत नाही ती हे सगळं सोडून अभिनेत्री का बनू इच्छित होती आणि या इंडस्ट्रीमध्ये अभिनेत्री होण्यासाठी तिला तिथल्या भाषेचं ज्ञान असणं गरजेचं आहे. भाषा तिच्यासाठी सगळ्यात मोठा अडथळा असतो. देव जाणे तिला हा विचार कुठून आला, पण आता ती हा विचार करत नाही".

संजय दत्त पुढे म्हणालेले,"मला आशा आहे की ती लवकरच FBI मध्ये सामील होईल आणि मला अभिमान वाटेल. मला वाटतं शिक्षण तिला नक्कीच उपयोगी पडेल. त्रिशाला एक फॉरेन्सिक सायंटिस्ट आहे. तिची नोकरी खूप उत्तम सुरू आहे. ती इथे का येईल?".

संजय दत्त शेवटचे 'बागी 4' या चित्रपटात झळकले होते. आता त्यांच्या हातात फक्त एक-दोनच नव्हे, तर अनेक प्रोजेक्ट्स आहेत.

धुरंधर, द राजासाब, केडी: द डेविल, अखंडा 2, बार, Sheran Di Kaum Punjabi हे संजयचे आगामी प्रोजेक्ट आहेत.