8 एपिसोडची ही हॉरर सीरिज, झोप उडवणारा प्रत्येक सीन, फक्त दोन दिवसात येतेय OTT वर

India's First Paranormal Investigator Series : भुतांच्या गोष्टी तुम्ही आजी-आजोबांकडून ऐकल्या असतील. त्या ऐकून रात्री भीतीही वाटली असेल. पण कधी तुम्ही या भुतांच्या गोष्टीमागचं खरं सत्य शोधण्याचा प्रयत्न केला आहे का? जगात अनेक ठिकाणे आहेत जी अत्यंत भितीदायक आणि रहस्यमय मानली जातात. काही ठिकाणांविषयी तर असेही म्हटले जाते की जो तिथे गेला, तो परत आला नाही. अशा अनोळखी शक्तींचा शोध घेण्याचा प्रयत्न भारताचे पहिले पॅरानॉर्मल इन्व्हेस्टिगेटर गौरव तिवारी यांनी केला होता. मात्र संशयास्पद परिस्थितीत त्यांचा मृत्यू झाला. त्यांच्या मृत्यूचे कोडे सोडवण्यासाठी आता लवकरच ओटीटी प्लॅटफॉर्मवर एक नवी कोरी सीरिज लवकरच प्रेक्षकांच्या भेटीला येत आहे.