'ज्यांनी निवडणूकीचं तिकीट मिळालं नाही...' BBM6 च्या घरात राजकीय नेत्याची एन्ट्री? रितेश भाऊंच्या उत्तराने वाढवला सस्पेन्स

मुंबई: महाराष्ट्रात सध्या राजकारण तापलेलं आहे, अशातच 'बिग बॉस मराठी'च्या सहाव्या पर्वाची चर्चा आता शिगेला पोहोचली आहे. ११ जानेवारी २०२६ पासून सुरू होणाऱ्या या शोमध्ये यंदा कोणकोणते चेहरे दिसणार, यावरून सोशल मीडियावर तर्कवितर्कांना उधाण आलं आहे. विशेषतः राज्यात निवडणुकीचे वारे वाहत असताना, बिग बॉसच्या घरात एखादा राजकीय नेता धिंगाणा घालायला येणार का? या प्रश्नाने प्रेक्षकांना चांगलंच कोड्यात पाडलं होतं. नुकत्याच झालेल्या पत्रकार परिषदेत होस्ट रितेश देशमुख याने यावर दिलेली प्रतिक्रिया सध्या तुफान व्हायरल होत आहे.