'माझे 12 वाजतील, हे सगळं अलाउड नाहीये', पापाराझींवर का भडकला रणबीर कपूर? थेट घराबाहेरच काढलं, VIDEO
- Published by:Minal Gurav
Last Updated:
Ranbir Kapoor : रणबीर कपूरने नुकताच त्याचा 43 वा बर्थ डे सेलिब्रेट केला. दरम्यान त्याला विश करायला आलेल्या पापाराझींवर रणबीर चांगलाच भडकला. नेमकं काय घडलं!
मुंबई : अभिनेता रणबीर कपूरने नुकताच त्याचा 43 वा बर्थ डे सेलिब्रेट केला. त्याच्या कुटुंबाने मित्रांनी आणि चाहत्यांनी त्याच्यावर प्रेमाचा वर्षाव केला. त्याच्या चाहत्यांनी त्याला भेटवस्तू पाठवल्या आणि सोशल मीडियावर विविध प्रकारे वाढदिवसाच्या शुभेच्छा दिल्या. पापाराझी देखील त्याला बर्थडे विश करण्यासाठी त्याच्या घरी पोहोचले होते. पण आलेल्या पापाराझींवर रणबीर कपूर चांगलाच भडकला. माझे 12 वाजतील म्हणत त्याने सगळ्या पापाराझींना गेटच्या बाहेर काढलं. रणबीरचा व्हिडीओ सध्या सोशल मीडियावर व्हायरल होतोय.
व्हायरल होणाऱ्या व्हिडीओमध्ये पाहायला मिळतंय की, रणबीर कपूर त्याच्या घराच्या गेटजवळ येतो. तो सर्वांना इथून बाहेर जा असं म्हणतोय. "बिल्डिंगवाले तक्रार करतील. तुम्ही बिल्डिंगमध्ये येऊ शकत नाही." रणबीर बराच वेळ पापाराझी रिक्वेस्ट करत असतो. शेवटी तो म्हणतो, "अरे माझे 12 वाजतील, इथे हे सगळं अलाउड नाहीये."
advertisement
त्यानंतर पापाराझी रणबीरला बिल्डिंगच्या बाहेरून त्याचे फोटो काढण्याची विनंती करतात. त्यावर रणबीर हो चालेल असं म्हणतो आणि उघडण्यास सांगतो. पापाराझींना शांत करण्यासाठी तो त्यांच्याबरोबर बाहेर जातो आणि बर्थडे सेलिब्रेट करतो. पापाराझींनी त्याच्यासाठी आणलेला खास केकही कापतो.
advertisement
28 सप्टेंबरला रणबीरचा बर्थडे होता. रणबीर कपूरने त्याचा लाइफस्टाइल ब्रँड, आर्क्सच्या अधिकृत इंस्टाग्राम अकाउंटवर लाईव्ह सेलिब्रेट केला होता. बर्थडे सेलिब्रेशनबद्दल बोलताना रणबीर कपूर म्हणाला, "मी खूप छान आहे. मी आज माझा संपूर्ण दिवस आलिया आणि राहासोबत घालवला, मी बाकी काहीही केलेलं नाही. राहाने मला वचन दिलं होतं की, ती मला 43किसेस देईल, म्हणून मी ते तिच्याकडून घेतले. तिने माझ्यासाठी एक सुंदर कार्ड बनवलं होतं, जे पाहून मी खूप इमोशनल झालो. माझा बर्थडे कम्प्लिट झाला."
Location :
Mumbai,Maharashtra
First Published :
September 29, 2025 12:01 PM IST
मराठी बातम्या/मनोरंजन/
'माझे 12 वाजतील, हे सगळं अलाउड नाहीये', पापाराझींवर का भडकला रणबीर कपूर? थेट घराबाहेरच काढलं, VIDEO
