आधी म्हणाला, 'रामायण'साठी दारू, सिगारेट, नॉन-व्हेज सोडलं, आता मटणावर ताव मारताना दिसला रणबीर कपूर, होतोय ट्रोल

Ranbir Kapoor : बॉलिवूड अभिनेता रणबीर कपूर पुन्हा एकदा वादाच्या भोवऱ्यात अडकला आहे. काही दिवसांपूर्वी रणबीरने 'रामायण' या चित्रपटासाठी मासांहार सोडला असल्याच्या बातम्या समोर आल्या होत्या. नितेश तिवारी यांच्या बहुचर्चित 'रामायण' या चित्रपटात रणबीर रामाची भूमिका साकारत आहे. या चित्रपटासाठी रणबीर सात्त्विक जीवनशैली पाळत असल्याचे म्हटले जात होते. दुसरीकडे त्याने धूम्रपान सोडलं असल्याचीही चर्चा आहे. रणबीर सध्या शिस्तबद्ध आयुष्य जगत असल्याचं समोर आलं होतं. त्याचे ध्यान आणि व्यायाम करतानाचे फोटोही सोशल मीडियावर व्हायरल झाले होते. अशातच आता रणबीर मटन खाताना दिसला असल्याने नेटकरी त्याला चांगलच ट्रोल करत आहेत. 'रामायण'साठी नॉन व्हेज सोडलं होतं? मग पुढे काय झालं? असा प्रश्न नेटकऱ्यांकडून उपस्थित होत आहे.