'... म्हणून मी फटाफट प्रेग्नंट झाले', 1 वर्ष गोविंदानेही लपवलं, सुनिताने 37 वर्षात पहिल्यांदाच सांगितलं

बॉलिवूडचा एकेकाळचा सुपरस्टार अभिनेता गोविंदा त्याच्या पर्सनल लाइफमुळे सातत्यानं चर्चेत आला आहे. दोघांच्या डिवोर्सच्या चर्चा सुरू आहेत. त्याची पत्नी सुनिता अहुजा त्याच्या अनेक गोष्टी सांगताना दिसतेय. सुनिताच्या अनेक मुलाखती व्हायरल होत आहेत.

गोविंदा आणि सुनिता यांचं लग्न त्यांनी एक वर्ष लपवून ठेवलं होतं. मुलीच्या जन्मानंतर गोविंदाने त्याच्या बायकोची इंडस्ट्रीला आणि चाहत्यांना ओळख करून दिली होती. एका मुलाखतीत बोलताना सुनिताने 37 वर्षांआधीच्या त्या दिवसांवर भाष्य केलं. ती गोविंदासाठी केलेल्या सॅक्रिफाइजवर खुलेपणाने बोलली.

पिंकविलाला दिलेल्या मुलाखतीत सुनिता म्हणाली, "मुली प्रेमात असतात तेव्हा खूप काही करतात. मी तर खूप काही केलंय. एक वर्ष माझं लग्न डिक्लेअर केलं नव्हतं. मी एक वर्ष चुपचाप बसले होते. टिना जन्माला आली त्यानंतर डिक्लेअर करण्यात आलं. ते तर किती मोठं सॅक्रिफाइज होतं."

"मी एक वर्ष घरातून बाहेर पडले नव्हते. मी कुठेच जायचे नाही. तेव्हा ट्रेंड होता, हिरोचं लग्न झालेलं असेल तर मुलींची फॅन फॉलोविंग कमी व्हायची. मी म्हटलं ठीक आहे, आज नाही तर नंतर... म्हणून मी फटाफट प्रेग्नंट झाले, त्यानंतर त्यांना मला बाहेर काढावंच लागेल. पण ठीक आहे तो स्टार बनत होता. जेव्हा त्याला माझी गरज असते माझा त्याला नेहमीच सपोर्ट होता."

गोविंदाच्या यशाविषयी बोलताना सुनिता म्हणाली, "गोविंदाच्या यशाचं पहिलं श्रेय त्याच्या आईला जातं. त्याच्या आईने खूप स्ट्रगल करून त्याला गोविंदा बनवलं आहे. मम्मी होती म्हणून गोविंदा झाला. आईने त्याला संस्कार दिले. पूजा पाठ शिकवला. त्यामुळेच तो विरारमधून येऊन हिरो झाला."

"मम्मी नव्हत्या तेव्हा मी गोविंदाबरोबर होते. मी त्याच्या खूप प्रेम केलं, सपोर्ट केला. त्याच्या वाईट काळात मी त्याच्याबरोबर होते." तो 40 वर्षांआधी खूप साधा होता, त्याच्या साधेपणावर माझं प्रेम होतं. आता त्याला काय झालंय माहिती नाही.

बॉलिवूड पार्ट्यांबद्दल ही सुनिताने सांगितलं, "मी फक्त शिल्पा, मनीषा, रमेश तोरानी सोडल्यास कोणाच्या पार्टीला जात नाही. माझं ते रूटीनच नाही. माझं रूटीन खूप वेगळं आहे. मी रोज चार वाजता उठते. रात्री साडेनऊला झोपते. त्यामुळे या सगळ्यासाठी मला वेळ नव्हता."