Rinku Rajguru : मेकअप खराब होईल मम्मा..! 'आशा' पाहून आई इमोशनल, रिंकूने कशी काढली समजूत एकदा बघाच, VIDEO

अभिनेत्री रिंकू राजगुरूचा आशा हा मराठी सिनेमा 19 डिसेंबरपासून संपूर्ण महाराष्ट्रात रिलीज झाला आहे. रिंकू राजगुरू या सिनेमात आशा सेविकांच्या भूमिकेत दिसणार आहे. आशा सिनेमाचा प्रीमियर सोहळा नुकताच पार पडला. या प्रीमियरला अभिनेत्री रिंकू राजगुरू आणि तिची संपूर्ण फॅमिली उपस्थित होती. रिंकू राजगुरू तिच्या आई-वडिलांसोबत प्रीमियरला आली होती. अनेक दिवसांनी रिंकू तिच्या आई-वडिलांसोबत दिसली. लेकीच्या सिनेमाचा आनंद आई-वडिलांच्या डोळ्यात स्पष्टपणे दिसत होता दोघेही रिंकूच्या यशासाठी प्रचंड खुश होते. 'आशा' सिनेमा पाहिल्यानंतर रिंकूची आई इमोशनल झाली. आईला अश्रू अनावर झाले. रिंकू आईला शांत करताना दिसली. मायलेकींचा व्हिडीओ सध्या सोशल मीडियावर व्हायरल होतोय.