Rohit Raut: रोहित राऊतने रचला इतिहास! I-POPSTAR च्या पहिल्याच सीझनवर कोरलं महाराष्ट्राचं नाव, जिंकलं तगडं बक्षीस
- Published by:Pratiksha Pednekar
Last Updated:
I-POPSTAR Winner Rohit Raut : नुकतंच Amazon MX Player वरील 'I-POPSTAR' या म्युझिक रिअॅलिटी शोचा फिनाले पार पडला असून मराठमोळ्या रोहित राऊतने या शोच्या पहिल्या सीझनची ट्रॉफी उचलली आहे.
मुंबई: Amazon MX Player वरील 'I-POPSTAR' या म्युझिक रिअॅलिटी शोने सहा आठवड्यांचा अविस्मरणीय प्रवास पूर्ण करत आपला पहिला सीझन एका धमाकेदार 'ग्रँड फिनाले'ने संपवला. ८५ हून अधिक ओरिजनल ट्रॅक आणि देशभरातून मिळालेल्या जबरदस्त प्रतिसादामुळे या शोने भारतीय पॉप म्युझिकच्या जगात एक नवा ट्रेंड तयार केला आहे. या सीझनमध्ये अनेक कलाकारांनी रातोरात स्टारडम मिळवले, तर त्यांच्या गाण्यांनी सोशल मीडियावर धुमाकूळ घातला.
चाहत्यांसाठी परतले सर्व स्पर्धक
फिनालेची सुरुवात एका उत्साहाच्या वातावरणात झाली, जिथे शोमधून बाहेर पडलेले सर्व स्पर्धक पुन्हा एकदा स्टेजवर परतले. चरण पाठानिया याने आपल्या फुल-फ्लेज्ड कॉन्सर्ट स्टाइल परफॉर्मन्सने फिनालेचा माहोल तयार केला. दिवसातील सर्वात भावनिक क्षण तेव्हा आला, जेव्हा मुनावर फारुकीने रत्नागिरीहून आलेल्या राधिका भिडे हिचा कवितामय शब्दांत परिचय करून दिला.
advertisement
मुनावरने स्टँड-अप कॉमेडीने रंगत वाढवली, तर पाहुणा म्हणून आलेल्या प्रिन्स नरूलाने शोच्या भव्यतेचे कौतुक केले. त्याने आपल्या मुलीचा एक व्हिडिओही शेअर केला, ज्यात ती 'I-POPSTAR' ची गाणी ऐकताना दिसत होती.
रोहित राऊत ठरला I-POPSTAR चा पहिला विजेता
अखेर अंतिम परफॉर्मन्सनंतर 'टॉप २' मध्ये टीम किंगचा ऋषभ पांचाळ आणि टीम परमिशचा रोहित राऊत यांनी जागा मिळवली. काही क्षणातच रोहित राऊत याला पहिला 'I-POPSTAR' म्हणून घोषित करण्यात आले. अशा प्रकारे रोहित राऊतने प्रत्येक एपिसोडमध्ये दिलेल्या जबरदस्त परफॉर्मन्सने विजयाला गवसणी घातली. त्याला ७,००,००० रुपये आणि ट्रॉफी मिळाली, तर ऋषभ पांचाळ उपविजेता ठरला आणि त्याने ३,००,००० रुपये जिंकले.
advertisement
रोहित राऊतने आपल्या विजयानंतर खूप भावूक प्रतिक्रिया दिली. तो म्हणाला, "मी 'I-POPSTAR' मध्ये एक कलाकार म्हणून माझा मार्ग शोधायला आलो होतो आणि आज विजेता म्हणून उभा आहे, याने माझ्या कलेवर माझा आत्मविश्वास वाढवला आहे. माझ्यावर विश्वास ठेवणाऱ्या चाहत्यांचे मी आभार मानतो." शेवटी, रोहितने हा पुरस्कार प्रत्येक प्रादेशिक कलाकाराला समर्पित केला आहे, ज्यांना बाहेर पडून आपले स्वप्न पूर्ण करायचे आहे.
view commentsLocation :
Mumbai,Maharashtra
First Published :
November 28, 2025 5:13 PM IST
मराठी बातम्या/मनोरंजन/
Rohit Raut: रोहित राऊतने रचला इतिहास! I-POPSTAR च्या पहिल्याच सीझनवर कोरलं महाराष्ट्राचं नाव, जिंकलं तगडं बक्षीस


