Samir Choughule : दहिसरच्या चाळीत बालपण, मंदिरात केला अभ्यास; 'हास्यजत्रा' गाजवणाऱ्या समीर चौघुलेंची Life Story

अमित फाळके यांना दिलेल्या मुलाखतीत समीर चौघुलेंनी आपल्या बालपणाबद्दल सविस्तर भाष्य केलं आहे. समीर चौघुले म्हणाले,"बालपणी मी खूप खटपत्या होतो. गीता आणि रिता या दोन जुळ्या आतेंबहिणींसोबत माझं बालपण गेलं. मी एकूलता एक असलो तरी माझ्या या बहिणींसोबत मी खूप क्लोज होतो...अजूनही आहे. लहानपणी आम्हा तिघांचं एक खूप छान आयुष्य होतं. खेळात रमायला मला जास्त आवडायचं. लंगडी आणि कबड्डी मी खूप खेळायचो. खेळात असताना एक-दोनदा नाटकात काम केलं होतं. त्यावेळी नाटकात मी काही करू शकेल असं शिक्षकांना वाटलं नाही. एकंदरीतच स्पोर्ट्सची आवड निर्माण झाली होती. कबड्डीचा मी कॅप्टन होतो. झोनल लेव्हलपर्यंत आम्ही जिंकून वगैरे आलो होतो. कबड्डीमध्ये मी माझं करिअर करणार यावर मी ठाम होतो. पण त्यावेळी मला तशा संधी निर्माण झाल्या नाहीत. अॅथलेट, धावण्याच्या शर्यतेत मी सहभाग घ्यायचो".