Trending:

3 तास 5 मिनिटांची रोमँटिक फिल्म, 23 वर्षांनंतरही गाणी सुपरहिट; क्लायमॅक्ससाठी Prime Video वरील हा चित्रपट पाहाच

Published by:Manjiri Pokharkar

Last Updated:October 27, 2025 7:16 AM IST

Bollywood Movie : बॉलिवूडच्या या चित्रपटात एक कमाल लव्हस्टोरी दाखवण्यात आली आहे. आज 23 वर्षांनंतरही या चित्रपटातील गाणी सुपरहिट आहेत.

इम्पॅक्ट शॉटतुमचा गेटवे लेटेस्ट न्यूज

Romantic Film : बॉलिवूडमध्ये हृदयाला स्पर्श करणाऱ्या अनेक प्रेमकथांवर चित्रपट बनवण्यात आले आहेत. त्यापैकी काही चित्रपट पाहताना डोळ्यात पाणी आल्याशिवाय राहत नाही. काही चित्रपट तर अनेक वर्षांनंतरही प्रेक्षकांचे आवडते राहिले आहेत. आज आपण अशाच एका रोमँटिक चित्रपटाबद्दल बोलणार आहोत. या चित्रपटाला रिलीज होऊन 23 वर्षे झाली आहेत, पण आजही या चित्रपटाची क्रेझ चाहत्यांमध्ये कायम आहे. शाहरुख खानच्या बहुचर्चित ‘देवदास’ असं या चित्रपटाचं नाव आहे. संजय लीला भन्साळी यांच्या दिग्दर्शनात तयार झालेल्या या चित्रपटात एक हृदयद्रावक प्रेमकथा दाखविण्यात आली आहे. त्यामुळे हा चित्रपट पाहताना तुमच्या डोळ्यांच्या कडा ओलावतील.

काय आहे कथानक?

'देवदास' या चित्रपटाची कथा 1900 च्या दशकावर आधारित आहे. कथेची सुरुवात कौशल्या मुखर्जीपासून होते, जी आपला मुलगा देवदासच्या लंडनहून परत येण्याने खूप आनंदी असते. देवदासचा आपल्या शेजारीण सुमित्राच्या मुलगी पारोशी अतिशय घट्ट मैत्रीचा संबंध असतो, जो त्याच्या परत येण्यावर प्रेमात बदलतो. पण उच्च घराण्यातील असल्यामुळे देवदासची आई कौशल्या, सुमित्राच्या मुलगी पारोचा विवाह प्रस्ताव नाकारते. इतकेच नव्हे तर ती सुमित्राचा भरी सभेत अपमान करते. रागाच्या भरात सुमित्रा आपली मुलगी पारोचे लग्न एका श्रीमंत विधुर भुवन चौधरी यांच्याशी लावून देते. यानंतर देवदासला आपल्या निर्णयाचा तीव्र पश्चाताप होतो.

लव्हस्टोरीत मजेदार ट्विस्ट

चित्रपटाच्या कथेतला खरा ट्विस्ट पारोचं लग्न झाल्यानंतरच येतो. जेव्हा देवदास एकटा पडतो आणि पारोच्या आठवणीत तो मद्यपानाच्या आहारी जातो. त्यानंतर देवदासच्या आयुष्यात वेश्या चंद्रमुखीची एन्ट्री होते. पारोला विसरण्यासाठी देवदास चंद्रमुखीजवळ राहू लागतो. संपूर्ण चित्रपट देवदास आणि पारोच्या अपूर्ण राहिलेल्या प्रेमकथेभोवती फिरतो. क्लायमॅक्स जाणून घेण्यासाठी तुम्ही हा चित्रपट Prime Video वर पाहू शकता.

‘देवदास’ हा चित्रपट 2002 सालातील सुपरहिट चित्रपटांपैकी एक होता. या चित्रपटातील गाणी आज 23 वर्षांनंतरही प्रेक्षकांमध्ये तितकीच लोकप्रिय आहेत. हा चित्रपट आजही शाहरुख खानच्या सर्वोत्तम चित्रपटांच्या यादीत गणला जातो. शाहरुख खानसोबत ऐश्वर्या राय बच्चन, माधुरी दीक्षित आणि जॅकी श्रॉफ हे कलाकारही या चित्रपटात महत्त्वाच्या भूमिकेत आहेत.

view comments

Location :

Mumbai,Maharashtra

First Published :

October 27, 2025 7:16 AM IST

3 तास 5 मिनिटांची रोमँटिक फिल्म, 23 वर्षांनंतरही गाणी सुपरहिट; क्लायमॅक्ससाठी Prime Video वरील हा चित्रपट पाहाच