Prabhu Shelke: सोशल मीडियाचा डॉन पहिल्याच दिवशी ढसाढसा रडला, प्रभू शेळकेला नडणारा कोण? नव्या प्रोमोमुळे खळबळ

मुंबई: 'बिग बॉस मराठी ६' चं घर म्हणजे नुसता कल्लोळ. ११ जानेवारीला दणक्यात सुरुवात झाल्यानंतर आता खऱ्या अर्थाने खेळाला धार चढू लागली आहे. एका बाजूला तन्वी आणि रुचिताच्या भांडणाने घराचं वातावरण तापलेलं असतानाच, आता मनोरंजनाचा फुल डोस देणारा प्रभू शेळके रडताना दिसल्याने खळबळ उडाली आहे. कलर्स मराठीने नुकत्याच प्रसिद्ध केलेल्या प्रोमोमध्ये प्रभूचे अश्रू अनावर झाले असून, यामागे कारणीभूत ठरला आहे तो म्हणजे हिंदी बिग बॉस गाजवून आलेला विशाल कोटियन.