Tanushree Dutta: 'मी पुरुषासोबत बेड शेअर करु शकत नाही' तनुश्री दत्ता असं का म्हणाली?

तनुश्रीने सांगितले की, बिग बॉसकडून तिला मोठी रक्कमही ऑफर करण्यात आली होती. "मला 1.65 कोटी रुपये ऑफर केले होते. इतके पैसे दुसऱ्या एका बॉलिवूड अभिनेत्रीला देण्यात आले होते, जी माझ्या दर्जाची होती. त्यांनी मला अजून जास्त पैशांचं आमिष दाखवलं, पण मी तरीही नकार दिला,” असे ती म्हणाली.

पण तिने शोमध्ये का जायचे नाही हेही स्पष्ट केले. 'बॉलीवूड ठिकाना'शी बोलताना तिने सांगितले की, “बिग बॉसमध्ये पुरुष आणि स्त्रिया एकाच बेडवर झोपतात, सतत भांडतात. मला माझी गोपनीयता आवडते. मी माझ्या तत्त्वांशी तडजोड करू शकत नाही. त्यांनी मला चंद्र दिला तरी मी जाणार नाही. मी इतकी स्वस्त नाही.”

अभिनेत्रीने हेही सांगितले की तिला शोमध्ये असलेलं वातावरण पटत नाही. ती तिच्या डाएट आणि लाइफस्टाइलबद्दल जागरूक आहे, त्यामुळे एका रिअॅलिटी शोसाठी इतक्या गोष्टींना तडजोड करणे तिला मान्य नाही.

‘बिग बॉस 4’मध्ये हॉलिवूड अभिनेत्री पामेला अँडरसन फक्त 3 दिवस राहून तब्बल 2.5 कोटी रुपये घेऊन गेली होती.‘बिग बॉस 14’मध्ये अली गोनीला दर आठवड्याला 16 लाख रुपये मानधन मिळाले आणि त्याने एकूण 2.8 कोटी रुपये कमावले. रिमी सेनलाही ‘बिग बॉस 9’साठी 2 कोटी रुपये देण्यात आले होते.