'हे यश पाहून कलाकार म्हणून त्रास होतो...' 'त्या' भूमिकेविषयी उपेंद्र लिमयेनी व्यक्त केली खंत

उपेंद्र लिमयेंचा याआधी मराठीतील जोगवा चित्रपट असाच गाजला होता. यात त्यांची तायप्पा ही भूमिका होती. या जोगवा चित्रपटातील 'तायप्पा' साठी उपेंद्र याना नॅशनल अवॉर्ड मिळाला होता. त्यामुळे फ्रेडी आणि तायप्पाला मिळालेलं हे यश पाहून कसं वाटतं? हा प्रश्न त्याला यावेळी विचारण्यात आला. या प्रश्नाचं उत्तर देताना उपेंद्र म्हणाले, ''फ्रेडीला एवढा प्रतिसाद मिळेल असं खरंच वाटलं नव्हतं. तीन दिवस मुलाखती सुरू असल्याने माझ्या संपूर्ण घराचा स्टुडिओ झाला होता. नॉर्थ अमेरिकेतील काही डिजिटल प्लॅटफॉर्मकडून माझ्या मुलाखती घेण्यात आल्या. एवढं भयानक यश मिळेल असं खरंच वाटलं नव्हतं.''

तायप्पाविषयी बोलताना उपेंद्र म्हणाले, ''हे यश पाहून एक कलाकार म्हणून त्रास होतो. जर एवढं यश त्यावेळी तायप्पाला मिळालं असतं, तर काय मजा आली असती हे शब्दात नाही सांगता येणार…असं एक कलाकार म्हणून मला नक्कीच वाटलं.'' असं मत उपेंद्र लिमयेंनी मांडलं आहे.