Trending:

Flight Cancelled Explainer: 4 दिवसांत 1200 IndiGo फ्लाइट रद्द! का झाली अशी अवस्था, काय करावं प्रवाशांनी, पुढे काय होणार?

Published by:Jaykrishna Nair

Last Updated:December 04, 2025 7:06 PM IST

Indigo Flight Cancelled Explainer: IndiGo च्या सेवेत सुरू झालेल्या मोठ्या गोंधळामुळे फक्त चार दिवसांत 1,200 फ्लाइट्स रद्द झाल्या, तर हजारो प्रवासी विमानतळांवर अडकून पडले आहेत. पायलटांच्या कमतरतेपासून ते FDTL नियमांपर्यंत अनेक कारणांनी कंपनीचे संपूर्ण ऑपरेशन विस्कळीत झाले आहे.

इम्पॅक्ट शॉटतुमचा गेटवे लेटेस्ट न्यूज

मुंबई: डिसेंबरच्या सुरुवातीपासूनच IndiGo च्या फ्लाइट सेवेमध्ये प्रचंड गोंधळ, अव्यवस्था आणि विलंब सुरू आहे. 1 डिसेंबर ते आत्तापर्यंत 1,200 हून अधिक फ्लाइट्स रद्द करण्यात आल्या आहेत. तर अनेक विमानं 4 ते 10 तास उशिरा धावत आहेत. दिल्ली, मुंबई, बेंगलुरू, हैदराबाद आणि अहमदाबादसारख्या मोठ्या विमानतळांवर हजारो प्रवासी तासन्‌तास अडकलेले दिसत आहेत. सोशल मीडियावर तर प्रवाशांच्या तक्रारींनी अक्षरशः पूर आला आहे. IndiGo चं संपूर्ण ऑपरेशन "चोक" होण्यामागे मुख्य कारण म्हणजे पायलटांची कमतरता, DGCA चे नवे FDTL नियम, चुकीची प्लानिंग आणि ऑपरेशनल अडचणी.

नेमकं काय चाललं आहे?

1 डिसेंबरपासून IndiGo ने 1,200 पेक्षा जास्त फ्लाइट्स रद्द केल्या.

अनेक रूट्सवर विमानं 4–10 तासांपर्यंत लेट.

मोठ्या शहरांमध्ये टर्मिनल्स गर्दीने खच्चून भरलेली.

प्रवासी रात्रीभर विमानतळावर बसून राहतात, पण फ्लाइट स्टेटस सतत बदलत राहतो.

अव्यवस्थेची मुख्य कारणे

1) नवे FDTL नियम – संपूर्ण सिस्टीम गोंधळली

DGCA ने 1 नोव्हेंबरपासून पायलट्ससाठी नवे FDTL (Flight Duty Time Limitation) नियम लागू केले.

याअंतर्गत पायलट्सना जास्त विश्रांती देणं अनिवार्य, त्यांचे ड्यूटी तास कमी, थकवा टाळण्यासाठी ‘मानवीय’ रॉस्टर यांचा समावेश करण्यात आला आहे. याचा थेट परिणाम असा झाला की, एक पायलट आता कमी तास उड्डाण करू शकतो. यामुळे IndiGo ला अचानक जास्त पायलट्सची गरज भासली. पण कंपनीकडे पुरेसा क्रू तयार नव्हता, त्यामुळे पायलट/क्रू शॉर्टेज अत्यंत तीव्र झाला.

2) चुकीची प्लानिंग आणि रॉस्टर अपडेट न करणे

नोव्हेंबरमध्ये रद्द झालेल्या 1,232 फ्लाइट्सपैकी तब्बल 60–65% फक्त क्रू शॉर्टेज आणि FDTL नियम पाळण्यामुळे रद्द झाल्या.

इंडस्ट्री सूत्रांनुसार IndiGo ने नवे नियम लागू झाल्यानंतर रॉस्टर योग्य वेळी बदलले नाहीत. नेटवर्क प्लानिंग अपडेट केली नाही. संपूर्ण ऑपरेशन “ओव्हरलोड” झालं आणि परिणामी संपूर्ण सिस्टीम कोसळायला लागली.

3) ऑपरेशनल अडचणी

IndiGo च्या मते आणखी अनेक घटक संकट वाढवत आहेत. ज्यात टेक्निकल गडबड, Airbus सॉफ्टवेअर अपडेट्स, विंटर शेड्यूल बदल, स्लॉट अ‍ॅडजस्टमेंट, धुके (fog), ATC delays, विमानतळांवरील प्रचंड गर्दी हे सर्व मिळून compounding effect तयार झाला आणि सेवेत गोंधळ वाढला.

DGCA ची भूमिका कठोर कारवाई

DGCA ने या “अभूतपूर्व अव्यवस्थेवर” कडक दखल घेतली आहे. DGCA ने IndiGo कडून ही गडबड का झाली? तिकीटांचे भाडे अचानक का वाढले? नेटवर्क रिकव्हरी प्लान काय आहे? यावर सविस्तर रिपोर्ट मागितला आहे. आज दुपारी IndiGo ची टॉप मॅनेजमेंट DGCA सोबत मीटिंग करत आहे

IndiGo काय पावले उचलत आहे?

कंपनीने सांगितले की पुढील 48–72 तासांसाठी शेड्यूल ‘कॅलिब्रेट’ केलं जात आहे. म्हणजेच मुद्दाम काही फ्लाइट्स कमी केल्या जात आहेत. ज्याचा उद्देश नेटवर्क स्थिर करण्याचा आहे.

याशिवाय प्रवाशांना सल्ला

प्रवासाच्या आधी अ‍ॅप/वेबसाइटवर फ्लाइट स्टेटस चेक करा