समुद्राच्या 6560 फूट तळाशी सुरूय खोदकाम, शोधला जातोय खजाना, सापडला तर 'हा' देश होईल मालामाल!

शास्त्रज्ञांच्या मते, चीन खोल समुद्रात असलेल्या गरम आणि थंड पाण्याचे संशोधन करेल. कारण या ठिकाणी मिथेन असलेले हाइड्रोथर्मल व्हेंट्स आहेत. या व्हेंट्समध्ये मिथेन हायड्रेट्स म्हणजेच ज्वलनशील बर्फाचा मोठा साठा आहे, जो ऊर्जा स्त्रोत ठरू शकतो. दुसरे म्हणजे, येथून भूकंपसारख्या हालचालींवर संशोधन करता येईल. इतकेच नाही, तर जर कोणत्याही देशाने जमीन हलवण्याचा प्रयत्न केला, जसे की कोणी न्यूक्लीअर टेस्ट करण्याचा प्रयत्न केला, तर ते आधीच कळेल. त्सुनामीची माहितीही काही तास आधीच उपलब्ध होईल.

हाइड्रोथर्मल व्हेंट्स हे गरम पाण्याचे स्रोत आहेत जे समुद्राच्या तळाशी असलेल्या भेगांमधून बाहेर पडतात, जे समुद्राच्या हालचालीमुळे तयार होतात. हे व्हेंट्स खोल समुद्रातील ज्वालामुखीच्या जवळ आढळतात आणि पृथ्वीच्या पृष्ठभागाखाली अनेक किलोमीटर असलेल्या मॅग्माच्या संपर्कात येणारे पाणी गरम करून पुन्हा समुद्रात सोडतात.

जेव्हा थंड पाणी समुद्राच्या तळाशी असलेल्या भेगांमध्ये प्रवेश करते, तेव्हा ते पृथ्वीच्या आतील भागात असलेल्या मॅग्माच्या संपर्कात येऊन 400°C पर्यंत गरम होते. खनिजांनी परिपूर्ण पाणी पुन्हा बाहेर येते. जेव्हा हे गरम पाणी समुद्राच्या तळाशी परत येते, तेव्हा त्यात अनेक प्रकारचे विरघळलेले खनिजे आणि वायू असतात, ज्यामुळे हाइड्रोथर्मल व्हेंट तयार होतो.

येथील हाइड्रोथर्मल व्हेंट्स अंधाऱ्या आणि अत्यंत दबावाच्या वातावरणात अद्वितीय जीवांना जगण्याची संधी देतात. येथील जीव सूर्यप्रकाशाशिवाय रासायनिक ऊर्जेतून आपले अन्न तयार करतात. या व्हेंट्समधून बाहेर पडणाऱ्या पदार्थांमध्ये सोने, चांदी, तांबे आणि जस्त यांसारखी मौल्यवान धातू आढळतात. शास्त्रज्ञांचा असा विश्वास आहे की, गुरूचा चंद्र युरोपा आणि शनिचा चंद्र एन्सेलाडसमध्येही असेच व्हेंट्स असू शकतात, जिथे जीवनाची शक्यता आहे.