कल्याण- डोंबिवलीत महायुतीचा डंका, भाजपच्या विजयी उमेदवारांची यादी समोर

एकीकडे राज व उद्धव आणि काँग्रेस भाजपा आणि शिवसेनेच्या नावाने टाहो फोडत असताना दुसरीकडे मात्र त्यांचे शिलेदारांनी मैत्री जपून आपल्याच उमेदवारांना अर्ज मागे घ्यायला लावत असल्याचे चित्र दिसत आहे. ज्यामुळे निवडणूक निकाल लांब राहिला प्रचार सुरु होण्याआधीच भाजपचे एक-दोन नाही तर तब्बल 15 नगरसेवक उमेदवारी अर्ज माघार घेण्याच्या पहिल्याच फेरीत निवडून आलेत. तर शिवसेनेचे (एकनाथ शिंदे) सहा नगरसेवक बिनविरोध निवडून आले आहेत.

सर्वांत महत्वाची भूमिका बजावली असून मनसेचे माजी आमदार राजू पाटील यांनी तर शिवसेना उद्धव बाळासाहेब ठाकरे पक्षाचा चेहरा किंवा मोठं नेतृत्व कल्याण डोंबिवलीत नसल्याने त्यांच्या उमेदावरांनी वैयक्तिक निर्णय घेत भाजपा शिवसेनेचे उमेदवार बिनविरोध निवडून दिले आहेत.

राज्यातील महापालिका निवडणुकांच्या अर्ज छाननीनंतर आता अर्ग मागे घेत राजकीय पक्षांकडून एकमेकांना धक्का दिला जात आहे. आज अर्ज माघारी घेण्याचा शेवटचा दिवस होता. त्यामुळे, 122 संख्याबळ असलेल्या केडीएमसीमध्ये भाजपचे 15 उमेदवार बिनविरोध करत मोठी आघाडी घेतली असून भाजप समर्थकांचा जल्लोष पाहायला मिळत आहे.