Kalyan News : रेल्वे स्थानकावर अपघातात जखमी, डॉक्टरांनी तपासून डिस्चार्ज दिला, पण घरी गेल्यावर..;कल्याणमध्ये काय घडलं?

मिळालेल्या माहितीनुसार, मृत प्रवाशाचे नाव डेव्हिड घाडगे असून ते कल्याणजवळील आंबिवली परिसरात राहतात. त्या दिवशी ते लोकलमधून उतरताना कल्याण रेल्वेस्थानकात पडले होते त्यामुळे ते जखमी झाले होते. डेव्हिड हे जखमी अवस्थेत असताना त्यांना उपचारासाठी कल्याण स्टेशनजवळी रुक्मिणीबाई हॉस्पिटमध्ये दाखले केले. मात्र, डॉक्टरांनी प्राथमिक उपचार करून त्यांना घरी पाठवले. काही तासांनी घरी पोहचताच डेव्हिड यांचा मृत्यू झाला.

डेविड घाडगे यांच्या अचानक मृत्यूने कुटुंबीयांमध्ये खळबळ उडाली आहे. मृतदेह रुग्णालयात आणल्यावर डेव्हिड यांचा मुलगा तुषार आणि नातेवाईक गौतम मोरे यांनी डॉक्टरांच्या निष्काळजीपणाचा आरोप केला आहे. त्यांनी म्हटले की, डॉक्टरांनी जखमी रुग्णाला नीट अॅडमिट करून उपचार केले नाहीत त्यामुळे हा दुर्दैवी मृत्यू झाला.