Mumbai News : बीकेसी पासपोर्ट कार्यालयाला बॉम्बने उडवण्याची धमकी,गुढीपाडव्याच्या दिवशी अलर्ट

Mumbai News : संकेत वरक, प्रतिनिधी, मुंबई : मुंबईतून एक धक्कादायक घटना समोर आली आहे. या घटनेत बीकेसीच्या पासपोर्ट कार्यालयाला बॉम्बने उडवण्याची धमकी देण्यात आली आहे. ईमेलद्वारे ही धमकी देण्यात आली आहे आणि विशेष म्हणजे सायनाइड गॅसद्वारे स्फोट घडवण्याचा उल्लेख मेलमध्ये करण्यात आला आहे. या धमकीचा माहिती मिळताच पोलिसांनी तात्काळ घटनास्थळी धाव घेतली होती. तसेच बॉम्ब शोधक व नाशक पथक (BDDS) आणि डॉग स्क्वॉडद्वारे सखोल तपासणी करण्यात येत आहे. उद्या गुडीपाडवा सण देखील आहे,त्यामुळे या घटनेने आणखीणच खळबळ वाढली आहे. तसेच यामुळे मुंबई अलर्टवर असणार आहे.