KDMC : कल्याण-डोंबिवलीत शिंदे-फडणवीसांना धक्का, राज ठाकरेंनी गेम फिरवला, मनसेच्या उमेदवारांची पूर्ण यादी!

दुसरीकडे मनसेने थेट कल्याण-डोंबिवलीमधल्या शिवसेना भाजप महायुतीतल्या शिवसेना-भाजपच्या नाराज माजी नगरसेवकांनाच थेट एबी फॉर्म दिले आहेत, त्यामुळे खळबळ माजली आहे. भाजपचे दोन दिग्गज माजी नगरसेवक शैलेश धात्रक आणि आणि मनिषा धात्रक यांना मनसेने उमेदवारी दिली आहे. तर शिवसेनेच्या पदाधिकाऱ्यांनाही मनसेने उमेदवारी दिली आहे. कल्याण-डोंबिवलीमध्ये मनसेच्या 49 उमेदवारांची यादी समोर आली आहे, ज्यांनी एबी फॉर्म भरले आहेत. मनसेची 49 जागांची यादी समोर आल्यामुळे आता उद्धव ठाकरेंची शिवसेना 73 जागांवर लढणार असल्याचं जवळपास निश्चित झालं आहे.

याआधी 2015 साली कल्याण-डोंबिवली महानगरपालिकेची निवडणूक पार पडली होती, त्यात शिवसेनेला 52, भाजपला 42, मनसेला 9, काँग्रेसला 4, एनसीपीला 2, एमआयएमला 1 तर इतर आणि अपक्षांना 12 जागा मिळाल्या होत्या, पण यंदा मात्र परिस्थिती वेगळी आहे. शिवसेनेमध्ये फूट पडल्यानंतर कल्याण-डोंबिवलीमधले बहुतेक सगळेच नगरसेवक हे उद्धव ठाकरेंची साथ सोडून एकनाथ शिंदेंकडे गेले, त्यामुळे या निवडणुकीत नेमकी कुणाची सत्ता येणार? याचा सस्पेन्स निर्माण झाला आहे. 15 जानेवारीला कल्याण-डोंबिवली सह 29 महापालिकांच्या निवडणुकीचं मतदान होणार आहे, तर 16 जानेवारीला निकाल लागणार आहे.