पुरुषांसाठी स्वस्त शॉपिंगचे मुंबईतील ठिकाण, होलसेलच्या दरात खरेदी करा कपडे, Video

मनीष मार्केटच्या मोदी गारमेंट या दुकानातून जर तुम्हाला ऑर्डर करायची असेल तर तुम्ही ऑनलाईन ऑर्डर देखील करू शकता. क्रोकोडाइल प्रिंट असलेले शर्ट इथे तुम्हाला फक्त 300 रुपयांमध्ये मिळून जातील. स्ट्रेचेबल अशा लायक्रा फॅब्रिकचे वेगवेगळ्या प्रकारचे शर्ट तुम्हाला इथे 350 रुपयांमध्ये विकत मिळतील. याच्यात तुम्हाला 25 पेक्षा अधिक रंग निवडता येतात. जर तुम्हाला ट्राउझर विकत घ्यायची असेल तर त्याच्यात तुम्हाला प्रत्येक वेगवेगळ्या कपड्यांमध्ये 8 ते 9 प्रकारचे ट्राउझर विकत मिळतील. फक्त 300 रुपयांना ट्राउझर तुम्हाला इथे विकत मिळेल. ट्राउझरची साईज 28 पासून ते 42 पर्यंत अशी आहे.

यामध्ये तुम्हाला लायक्रा फॅब्रिक, बीएमडब्ल्यू फॅब्रिक असे वेगवेगळे प्रकार देखील मिळून जातील. बीएमडब्ल्यू नावाच्या फॅब्रिकची ट्राउझर तुम्हाला 350 रुपयांना विकत मिळेल.कमीत कमी 50 पिसेस तुम्हाला या ठिकाणी विकत घ्यावे लागतात. तसेच तुम्हाला जर स्वतःचा व्यवसाय सुरू करायचा असेल तर हे दुकान एकदम उत्तम ठिकाण आहे. या दुकानातून पुणे, नाशिक, राजस्थान भारताच्या कानाकोपऱ्यात तुम्हाला डिलिव्हरी पोहोचवली जाईल. तसेच भारताच्या बाहेर दुबई, श्रीलंका यासारख्या देशांमध्ये मोदी गारमेंट दुकानाचे कपडे पोहोचवले जातात. मग जर तुमचे कोणी पुरुष मित्र मैत्रिणी असतील किंवा पुरुषांना खूप सारी शॉपिंग करायची असेल तर दादरच्या मनीष मार्केटमधील मोदी गारमेंट या दुकानाला नक्की भेट द्या.