कॅन्सर फक्त तंबाखूनेच नाही, तर 'या' कारणानेही होतो! वेळीच सावध व्हा, नाहीतर...

कर्करोग वाढण्याचं एक प्रमुख कारण म्हणजे तंबाखू. गेल्या दहा वर्षांत रुग्णांची संख्या दुप्पट झाली आहे. धक्कादायक बाब म्हणजे तंबाखू सेवनाचं वयही कमी झालं आहे. तज्ज्ञ सांगतात की, आता 12 ते 15 वर्षांचे किशोरवयीन मुलेही सिगारेट आणि पान मसाला खात आहेत. त्यामुळे धोका आणखी वाढला आहे. जागतिक तंबाखूविरोधी दिनानिमित्त, तंबाखू कशी जीवघेणी ठरत आहे, ते पाहूया.

पुरुषांप्रमाणे महिलाही तंबाखूचं सेवन करतात. जर त्यांच्या तोंडातला अल्सर उपचारानंतरही बरा होत नसेल, तर त्यांनी सावध होण्याची गरज आहे. जर सुरुवातीच्या पहिल्या किंवा दुसऱ्या टप्प्यात याचं निदान झालं, तर रुग्ण उपचाराने पूर्णपणे बरा होऊ शकतो. तोंडाच्या कर्करोगाच्या 90% रुग्णांनी कोणत्या ना कोणत्या स्वरूपात तंबाखूचा वापर केलेला असतो. जेव्हा डॉक्टर त्यांचा पूर्वेतिहास तपासतात, तेव्हा हेच समोर येतं. तोंडातल्या कर्करोगासोबतच, तंबाखूच्या सेवनाने घसा आणि फुफ्फुसांचा कर्करोगही होतो. मूत्राशयाच्या कर्करोगाची (Bladder Cancer) लक्षणेही दिसू लागतात.

डॉ. आशिष जोशी म्हणाले की, 'ग्लोबल ॲडल्ट टोबॅको सर्वे'च्या अहवालानुसार, प्रत्येक चौथा व्यक्ती म्हणजे सुमारे 27 टक्के लोक तंबाखूचं सेवन करतात. यापैकी 13 टक्के लोक धूम्रपान करतात आणि 14 टक्के लोक तंबाखू चघळतात, जे कर्करोगाचं एक मोठं कारण आहे. सर्वेक्षणानुसार, 74.3 टक्के किशोरवयीन मुलांनी तंबाखू आणि इतर संबंधित उत्पादनांच्या जाहिराती पाहिल्या आहेत. 15.6 टक्के किशोरवयीन मुला-मुलींना ई-सिगारेटबद्दल माहिती आहे.