महिलांनो, स्तनपानाकडे दुर्लक्ष करताय? सावधान! शरीरावर होतील 'हे' गंभीर परिणाम, तज्ज्ञ सांगतात...

निसर्गाने मातेच्या शरीरात अमृत भरलंय, ते म्हणजे स्तनदूध. पण आजची जीवनशैली, सौंदर्याचे काही नियम आणि फिगरची चिंता यांमुळे स्त्रिया या पवित्र अशा स्तनपानापासून दूर जात आहेत. याचा फटका फक्त मुलांनाच नाही तर स्त्रियांच्या आरोग्यावरही खूप मोठा परिणाम होत आहे.

स्त्रीरोग तज्ज्ञ डॉ. सुप्रिया गुप्ता सांगतात की, ज्या स्त्रिया स्तनपान करत नाहीत, त्यांच्यात, विशेषतः 25 ते 35 वयोगटातील महिलांमध्ये, स्तनांचा कर्करोग (Breast Cancer) वेगाने वाढत आहे. संशोधनानुसार, ज्या स्त्रिया नियमितपणे आपल्या बाळांना स्तनपान देतात, त्यांच्यात स्तनांच्या कर्करोगाचा धोका 4.3% नी कमी होतो.

स्तनपान करताना शरीरात ऑक्सिटोसिन आणि प्रोलॅक्टिन यांसारखे हार्मोन्स सक्रिय होतात. हे हार्मोन्स केवळ स्तनांच्या ऊतींना (tissues) निरोगी ठेवत नाहीत, तर स्तनांच्या कर्करोगाचा धोकाही कमी करतात. याशिवाय, स्तनपानामुळे मासिक पाळीच्या चक्रात बदल होतो, ज्यामुळे इस्ट्रोजेन हार्मोनची पातळी कमी होते, जो स्तनांच्या कर्करोगाच्या वाढीमध्ये महत्त्वाची भूमिका बजावतो.

आहारतज्ज्ञ पूजा द्विवेदी सांगतात की, स्तनदूधामध्ये असलेली अँटीबॉडीज आणि पोषक तत्वे बाळाची रोगप्रतिकारशक्ती वाढवतात आणि त्यांच्या सर्वांगीण विकासात मदत करतात.

अनेकदा स्त्रियांना वाटतं की, स्तनपानामुळे शरीराचं सौंदर्य बिघडेल. पण सत्य हे आहे की, स्तनपानामुळे शरीरातील चरबी जळते, ज्यामुळे वजन नियंत्रणात राहतं आणि शरीर सुडौल होतं. डॉ. पूजा द्विवेदी म्हणतात की, ज्या स्त्रिया स्तनपान करत नाहीत, त्यांच्या स्तनांच्या ग्रंथींमध्ये (breast glands) सूज येऊ शकते, जी हळूहळू गाठीमध्ये रूपांतरित होऊन नंतर कर्करोगाचे रूप घेऊ शकते.