BMC Election Results: ठाकरे शिंदेंच्या पुढे निघाले, मनसेचीही टफ फाईट, मुंबईत वातावरण टाईट!

मुंबई : बृहन्‍मुंबई महानगरपालिका सार्वत्रिक निवडणूक २०२५– २६ अंतर्गत १५ जानेवारी २०२६ ला झालेल्या मतदानाची मतमोजणी प्रक्रिया आज शुक्रवार, दिनांक १६ जानेवारी २०२६ रोजी सकाळी १० वाजेपासून विविध ठिकाणच्‍या २३ मतमोजणी कक्षात सुरू आहे. सुरुवातीच्या कलात भाजप-शिंदेसेनेला ठाकरे बंधूंनी तगडी टक्कर दिल्याचे दिसून येत आहे. मतदानोत्तर चाचण्यांनी भाजप-शिंदेसेनेला स्पष्ट बहुमत मिळेल, महायुती अगदी १५० जागा पार करेल, असे सांगितले होते. मात्र जवळपास १०० जागांची मतमोजणी सुरू असताना ठाकरे बंधू भाजप शिंदेसेनेला तगडी टक्कर देत आहेत.