Protein : अंड की डाळ, प्रोटीनची कमतरता दूर करण्यासाठी काय खावं? 90% लोकांना माहिती नाही योग्य उत्तर

अंडं आणि डाळ दोन्ही प्रोटीनचे चांगले स्रोत आहेत. पण, त्यांच्यातील प्रथिने, पोषक तत्वे आणि इतर गुणधर्म वेगवेगळे आहेत.

अंड्याला 'संपूर्ण प्रथिने' मानले जाते. याचा अर्थ त्यात शरीराला आवश्यक असणारे सर्व नऊ अमिनो ऍसिड योग्य प्रमाणात असतात. त्यामुळे, शरीराला प्रथिनांचा सर्वात चांगला फायदा मिळतो.

प्रथिनांव्यतिरिक्त अंड्यात व्हिटॅमिन B12, व्हिटॅमिन डी, आणि चांगले फॅट्स असतात. जे शरीरासाठी अत्यंत आवश्यक आहेत.

डाळींमध्ये प्रथिनांसोबतच फायबर भरपूर प्रमाणात असते. फायबर पचनासाठी खूप महत्त्वाचे आहे आणि बद्धकोष्ठतेची समस्या दूर करते.

डाळीत लोह, पोटॅशियम आणि मॅग्नेशियमसारखी महत्त्वाची खनिजे असतात. शाकाहारी लोकांसाठी डाळ हे प्रोटीन मिळवण्याचा एक चांगला आणि कमी खर्चिक पर्याय आहे.

या प्रश्नाचे उत्तर सरळ नाही. ज्यांना संपूर्ण प्रथिने हवी आहेत, त्यांच्यासाठी अंडं एक चांगला पर्याय आहे. तर, ज्यांना फायबर आणि कमी चरबीयुक्त आहार हवा आहे, त्यांच्यासाठी डाळ अधिक फायदेशीर आहे. सर्वात योग्य उपाय म्हणजे, दोन्हीचा समतोल साधणे. मांसाहारी व्यक्तींनी अंडं आणि डाळ दोन्ही खावे आणि शाकाहारी व्यक्तींनी वेगवेगळ्या डाळी एकत्र करून खाव्यात, जेणेकरून शरीराला सर्व प्रकारचे अमिनो ऍसिड मिळतील. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)