मानेच्या त्रासामुळे सोडावे लागले सोनार काम, आलेल्या अडचणींवर मात करत किशोर यांनी यशस्वी केला चहा व्यवसाय, Video

खरं तर लहानपणापासून किशोर साळोखे हे सोनार काम करत असत. कित्येक वर्ष खाली मान करुन सोनार काम केल्यामुळे त्याचबरोबर संधिवाताच्या त्रासामुळे काही वर्षांपूर्वी त्यांना मानेचा त्रास सतावू लागला. त्यांची मान अडकली असल्याने नीट वळवता येत नाही. अशात डॉक्टरांच्या सल्ल्यानुसार त्यांना सोनार काम सोडून द्यावे लागले. त्यानंतर काही ना काही व्यवसाय सुरू करण्याच्या उद्देशाने त्यांनी चहाची टपरी सुरू केली. सुरुवातीला इलायची चहा विकणाऱ्या किशोर यांनी स्वतःची एक विशेष ओळख निर्माण करण्याच्या दृष्टीने फक्त गवती चहाविक्री सुरू केली होती. आज प्रत्येक चहाप्रेमीला या ठिकाणी मिळणारा गवती चहा आवडतो. रोजच्या रोज हा चहा प्यायला बरेचजण येत असतात, असे किशोर यांनी सांगितले आहे.

1) सुरुवातीला दुधात थोडेसे पाणी टाकून उकळायला ठेवले जाते. त्यातच गवती चहाची पाने कापून टाकली जातात.

किशोर हे एक कलाकार देखील आहेत. नेते, अभिनेते, राजकीय मंडळी, पक्षांचे, प्राण्यांचे तसेच वाहनांच्या आवाजांच्या नकला देखील ते करतात. कधी कधी ते स्वतः मिमिक्रीचे शो देखील करत असतात. त्यात बऱ्याचदा येणाऱ्या ग्राहकांचे देखील मिमिक्रीच्या माध्यमातून ते मनोरंजन करत असतात. त्यामुळेच त्यांनी स्वतःच्या चहाची टॅगलाईन मूडचा टर्निंग पॉईंट अशी ठेवली आहे.

दरम्यान किशोर यांच्या पत्नी देखील अपंग आहेत. पर्यायाने चहाचा व्यवसाय करताना सर्व कामे एकट्याने करत किशोर यांनी त्यांच्या चहाला प्रसिद्धी मिळवून दिली आहे. त्यामुळेच येणाऱ्या प्रत्येक ग्राहकाकडून किशोर यांचे आणि त्यांच्याकडे मिळणऱ्या चहाच्या चवीचे कौतुक होत असते.