परवडणारे दर अन् ताजी मासळी, दोघी मैत्रिणी विकतायेत सीफूड, ठाण्यात होतेय गर्दी

ठाणे: सध्या अनेक जण वेगवेगळ्या प्रकारचे व्यवसाय करण्याला प्राधान्य देत आहेत. ठाण्यातील दोन महिला उद्योजिका सुद्धा गेले अनेक वर्ष एक व्यवसाय चालवत आहेत. ठाणे स्थानकापासून फक्त 20 मिनिटांच्या अंतरावर फिशटेल सीफूड नावाचे होलसेल आणि रिटेल दुकान आहे. यामध्ये वेगवेगळ्या प्रकारच्या मासोळी होलसेल दरात मिळतात. त्यामुळे अगदी डोंबिवली, कल्याण आणि संपूर्ण ठाण्यातून या ठिकाणी लोक मच्छी घ्यायला येतात. दीप्ती माने आणि स्वप्ना यादव यांनी सुरू केलेला हा व्यवसाय सध्या ठाणेकरांच्या चांगलाच पसंतीस उतरत आहे. परवडणारे दर आणि ताजी मासोळी हेच यांचं वैशिष्ट्य आहे.

फिशटेल सीफूड येथे पापलेट, सुरमई, रावस, घोळ, खेकडा, मुशी, मांदेली, बोंबील असे सगळ्या प्रकारची मच्छी मिळेल. इथले सगळे मासे ताजे असल्यामुळे सगळ्यांच्या पसंतीस उतरत आहेत. खेकड्यांमध्ये तर तुम्हाला मोठे खेकडे इथे हमखास मिळतील. कोळंबी सुद्धा सगळ्यात मोठी कोळंबी, मग त्याहून छोटी आणि अगदी लहान अशा पद्धतीमध्ये मिळेल. इथे मिळणारी ही मच्छी अगदी ताजी असून फक्त 380 रुपयांना तुम्हाला मिळेल. यांच्या इथे मिळणारा हलवा आणि घोळ मासा सुद्धा इतका मोठा आहे की गिऱ्हाईक याच्याकडे आपसूकच आकर्षित होतात. तर पापलेटमध्ये देखील इथं 3 प्रकार मिळतात.

दरम्यान, ताजी मासळी होलसेल दरात घ्यायची असेल तर ठाणेकरांसाठी फिशटेल हा उत्तम पर्याय आहे. ठाणे स्थानकापासून फक्त 20 मिनिटांच्या अंतरावर कोलबाड येथील महावील माइलस्टोनच्या बाजूलाच फिशटेल हे दुकान आहे. कावेसर जीबी रोड येथेही यांची एक शाखा असून इथं देखील ग्राहकांची नेहमीच गर्दी असते.