Gauri Pujan Ukhane : आजी-आईचे झाले जुने, गौरीपूजनासाठी आता नवे उखाणे, शेवटचे 2 तर एकदम हटके

गणपती बाप्पाच्या आगमनानंतर सगळ्यांना प्रतीक्षा असते ती गौरीची. विशेषत: महिला यासाठी खूप उत्सुक असतात. गौरी म्हणजे गणपतीची आई पार्वती. जी आपल्या गणेशाला नेण्यासाठी माहेरी येते. ती माहेरवाशिणी. त्यामुळे तिची पूजा केली जाते, तिचे लाड पुरवले जाते. नैवेद्य म्हणून तिच्या आवडीचे खाऊ घातलं जातं. फुगड्या घालून रात्र जागवली जाते. गौरी म्हणजे ओवसाही आलाच. आता महिलांचा सण, महिला एकत्र आल्या, त्यांचे खेळ, कार्यक्रम आले म्हणजे उखाणेही आलेच.

तसं तुम्ही इंटरनेटवर सर्च कराल तर तुम्हाला बरेच मराठी उखाणे मिळतील. पण गौरीनिमित्त उखाणे कमीच आहेत. अगदी मोजून तुम्हाला काही उखाणे दिसतील आणि बहुतेक महिला तेचतेच उखाणे घेतील. पण आम्ही तुमच्यासाठी आता नवीन उखाणे घेऊन आलो आहोत. असे उखाणे जे क्वचितच कुणी घेतले असतील. त्यामुळे तुमच्या लग्नाला कितीही वर्षे झाली असोत वा तुम्ही नवीन नवरी असो. हे उखाणे घेतलात तर सगळे तुमची वाहवाह करतील. सगळेच इम्प्रेस होतील.