Hair Care : थंडीत केसांची काळजी घेण्यासाठी वाचा या टिप्स, कोंडा होईल कमी, केस राहतील स्वच्छ
- Published by:Renuka Joshi
Last Updated:
हिवाळ्यात कोरड्या हवेमुळे कोंडा जास्त होतो. या दिवसात केस कसे धुता हे खूप महत्वाचं ठरतं. केसांच्या स्वच्छतेसाठी आठवड्यातून दोन ते तीन वेळा केस धुणं आवश्यक आहे. यामुळे टाळू स्वच्छ राहतो आणि बुरशी वाढण्याची शक्यता कमी होते. याव्यतिरिक्त, दर दोन आठवड्यांनी अँटी-डँड्रफ शाम्पूचा वापर करा.
मुंबई : हिवाळ्यात कोरड्या हवेमुळे, त्वचा कोरडी होते तसंच केसांतल्या कोंड्याचं प्रमाणही वाढतं. त्यामुळे थंडीत डोक्यात कोंडा होणं ही एक सामान्य समस्या आहे. थंड हवा, कोरडा टाळू आणि केसांची काळजी घेण्याच्या चुकीच्या सवयी यामुळे जास्त कोंडा होऊ शकतो.
हिवाळ्यात कोरड्या हवेमुळे कोंडा जास्त होतो. या दिवसात केस कसे धुता हे खूप महत्वाचं ठरतं. केसांच्या स्वच्छतेसाठी आठवड्यातून दोन ते तीन वेळा केस धुणं आवश्यक आहे. यामुळे टाळू स्वच्छ राहतो आणि बुरशी वाढण्याची शक्यता कमी होते. याव्यतिरिक्त, दर दोन आठवड्यांनी अँटी-डँड्रफ शाम्पूचा वापर करा.
advertisement
अँटी-डँड्रफ शाम्पूमधे असलेल्या कीटोकोनाजोल, सिक्लोपीरोक्स, सेलेनियम सल्फाइड हे घटक केसांच्या, टाळूच्या स्वच्छतेसाठी महत्त्वाचे आहेत. हे घटक डोक्यातला कोंडा होण्याचं एक प्रमुख कारण असलेल्या बुरशीचं प्रमाण कमी करण्यास मदत करतात. हा शाम्पू कमीत कमी दोन-तीन मिनिटं टाळूवर राहू द्या.
केसांना तेल लावल्यानं कोंडा कमी होतो असं म्हटलं जात असलं तरी, प्रत्यक्षात त्याचा उलट परिणाम होऊ शकतो. कोंडा असताना टाळूला तेल लावल्यानं बुरशीची वाढ आणखी होऊ शकते.
advertisement
अँटी-डँड्रफ शाम्पूमुळे अनेकदा टाळू आणि केस कोरडे होतात, ज्यामुळे केस तुटतात आणि कोरडे होतात. हे टाळण्यासाठी, प्रत्येक शाम्पूनंतर चांगलं कंडिशनर लावा. यामुळे केस मऊ होतात तसंच यामुळे टाळूलाही चांगलं मॉइश्चरायझेशन मिळतं. आवडत असेल तर आठवड्यातून एकदा डीप कंडिशनिंग हेअर मास्क देखील लावू शकता.
view commentsLocation :
Mumbai,Maharashtra
First Published :
November 25, 2025 6:38 PM IST
मराठी बातम्या/लाइफस्टाईल/
Hair Care : थंडीत केसांची काळजी घेण्यासाठी वाचा या टिप्स, कोंडा होईल कमी, केस राहतील स्वच्छ
