उन्हात लघवीच्या जागी जळजळ होते? डॉक्टरांनी सांगितलं नाजूक जागेचं रक्षण कसं करावं

खरगोन : आता प्रचंड कडाक्याचं ऊन पडतं. मार्च महिन्यातच ठिकठिकाणचा पारा 38 डिग्री सेल्सियसवर पोहोचला होता. आता तर दुपारी घरातून बाहेर पडणंही अवघड झालंय. परंतु घराबाहेर पडल्यावरच शरीर घामाघूम होतं असं नाहीये, तर घरात असतानाही जीवाची लाहीलाही होतेय. अशा स्थितीत पाण्याची पातळी कमी झाल्याने शरिराला विविध आजार जडू शकतात.

कडाक्याच्या उन्हात घामावाटे पाणी मोठ्या प्रमाणात बाहेर पडत असल्याने शरिरात पाण्याची कमतरता निर्माण होते. त्यामुळे आत विविध अवयवांचं कार्य बिघडतं. म्हणून या काळात भरपूर पाणी पिणं, रसदार फळं खाणं अत्यंत आवश्यक आहे. थोड्या थोड्या वेळाने पाणी प्यावं. दररोज द्राक्ष, कलिंगड, संत्र, काकडी, इत्यादी हंगामी फळांचा आहारात समावेश करावा. कारण या फळांमध्ये पाण्याचं प्रमाण भरपूर असतं. ज्यामुळे घामावाटे बाहेर निघणाऱ्या शरिरातल्या पाण्याची कमतरता भरून निघते. शिवाय विविध आजारांपासून आरोग्याचं रक्षण होतं.