दही नको ताक घ्या म्हणतात, पण खरंच त्याने वजन कमी होतं का? आहार तज्ज्ञांनी सांगितलं सत्य!

छत्रपती संभाजीनगर : ताक पिणं हे आरोग्यासाठी उत्तम मानलं जातं. त्यामुळे उन्हाळ्यात दही खाण्यापेक्षा ताक पिण्याचा सल्ला दिला जातो. अनेकजण थंडगार ताक प्यायला प्राधान्य देखील देत असतात. आपल्यापैकी अनेकजण वजन कमी करण्यासाठी देखील रोज ताक पीत असतात. पण खरंच ताक प्यायल्याने आपलं वजन कमी होतं का? किंवा ताकाचे आपल्याला कसे फायदे होतात? याविषयी छत्रपती संभाजीनगर येथील आहारतज्ज्ञ मंजू मठाळकर यांनी लोकल18 सोबत बोलताना माहिती दिलीये.

ताकात पोटॅशियम, कॅल्शियम, मॅग्नेशियम, झिंक, लोह, फॉस्फोरस, इत्यादी खनिजे मुबलक प्रमाणात आढळतात. तसेच ताकात 90 टक्क्यांपेक्षा जास्त पाणी असतं. तर फॅट्सचं प्रमाण कमी असतं. त्यामुळे अनेक जण आपल्या डायटमध्ये ताकाचा समावेश करतात. फॅट कमी असल्यामुळे अनेक जण दररोज ताक पितात. जर जेवणाच्या वेळेस ताक पिलं किंवा जेवणाच्या आधी किंवा मधल्या वेळेत देखील ताक प्यायल्यास पोट भरल्यासारखं होतं आणि त्यातून तुम्हाला पोषण देखील मिळतं, असं आहारतज्ज्ञ सांगतात.