थंड की गरम, सकाळी उपाशी पोटी नेमकं कोणतं पाणी प्यावं, योग्य पद्धत तब्बल 56 आजारांना ठेवते दूर

आयुर्वेद आणि आधुनिक वैद्यकशास्त्रानुसार, सकाळी रिकाम्या पोटी गरम पाणी पिणे शरीरासाठी अनेक प्रकारे फायदेशीर आहे. गरम पाणी पचनक्रियेला सक्रिय करते. आतड्यांमधील विषारी पदार्थ काढून टाकण्यास मदत होते. यामुळे बद्धकोष्ठतेच्या समस्येपासून आराम मिळतो. गरम पाणी प्यायल्याने चयापचय क्रिया वाढते, त्यामुळे शरीरात साठलेली चरबी लवकर जळते.

तज्ञ जनक कुमार यांच्या मते, सकाळी रिकाम्या पोटी थंड पाणी पिणे आरोग्यासाठी हानिकारक ठरू शकते. यामुळे पचनक्रिया मंदावते. तसेच अपचन, गॅस आणि ॲसिडिटी सारख्या समस्याही तुम्हाला उद्भवू शकतात. यासोबतच थंड पाणी प्यायल्याने रक्तवाहिन्याही आकुंचन पावतात, यामुळे रक्तपुरवठा मंदावतो. परिणामी शरीराला आवश्यक पोषक तत्त्वे वेळेवर मिळत नाहीत. थंड पाण्यामुळे शरीराचे तापमान कमी होते. यामुळे शरीराला सामान्य तापमानात आणण्यासाठी अधिक ऊर्जा खर्च करावी लागते. परिणामी थकवाही जाणवू शकतो, अशी माहिती त्यांनी दिली.

सकाळी रिकाम्या पोटी कोमट पाणी प्यायल्याने वात, पित्त आणि कफ हे तीन दोष शरीरात संतुलित राहतात, असे आयुर्वेदात असे मानले जाते. तसेच हे संतुलन शरीराला 56 प्रकारच्या आजारांपासून वाचवण्यास मदत करते. यामध्ये पचनाच्या समस्या, लठ्ठपणा, हृदयविकार, मधुमेह, सर्दी आणि त्वचारोग आहेत, असेही त्यांनी सांगितले.