फॅट वाढूच देणार नाही असा उपवास; एक एक ग्रॅम वजन होईल कमी!

जमशेदपूर : आजकाल लोक आपल्या कामात एवढे व्यस्त असतात की, सर्वात महत्त्वाच्या गोष्टीवर लक्ष द्यायलाच त्यांच्याकडे वेळ नसतो. ही महत्त्वाची गोष्ट म्हणजे 'हेल्थ' अर्थात 'आरोग्य'. आजकाल पुरेशी झोप, घरचं जेवण मिळत नसल्यामुळे विविध आजार शरिराला जडतात. स्थूलपणा तर आता सामान्य झालाय. अनेकजण वजन कमी करण्यासाठी प्रयत्न करताना दिसतात. यावर डायटिशियन सुश्मिता सिंह यांनी एक जबरदस्त उपाय सांगितला आहे, तो म्हणजे उपवास.

सुश्मिता सिंह म्हणतात, उपवास म्हणजे फक्त दिवसभर काहीच खायचं नाही किंवा उपवासाचे पदार्थच खायचे असं नाही. तर उपवास असाही असतो, ज्यात आपण ठराविक वेळी जेवण करतो आणि ठराविक वेळ उपाशी राहतो. ज्यामुळे डायटचं एक सायकल मेंटेन राहतं. शिवाय जेवणातूनही फक्त पौष्टिक घटक पोटात जातात, ज्यामुळे उठसूट भूक लागत नाही आणि मेटाबॉलिज्म वाढतं. परिणामी हळूहळू वजन नियंत्रणात येतं. सुरूवातीला महिन्यातून एकदा हा उपवास आपण करू शकता. त्यानंतर शक्य होईल तसे दिवस वाढवावे.