Monsoon Health: पावसाळ्यात पाणी आणि आहार, यांच्यामुळेच आजार, काय घ्यावी काळजी?

पावसाळ्यात पाणी उकळून प्यावे. पाणी फिल्टरचं असलं तरीही त्याचं पूर्णपणे निर्जंतुकीकरण झालेलं नसतं. कधीकाधी त्या पाण्यातूनही संसर्ग होऊ शकतो. त्यामुळे पाणी कुठलंही असलं तरी आपली पारंपारिक पाणी उकळून पिण्याची पद्धत फायद्याची आहे. पावसाळ्यात पाण्यातून होणारा संसर्ग त्यामुळे रोखला जातो, असं डॉक्टर सांगतात.

पावसाळ्यात बाहेरचा आहार हा टाळला पाहिजे. त्यामुळे अनेक आजारांना तोंड द्यावं लागतं. पावसाळ्यात सकस आहार घ्यावा आणि भरपूर पाणी पिणे देखील महत्त्वाचे आहे. आहारात प्रोटीनचं प्रमाण जास्त असलं पाहिजे. भाजीपाला, फळांचे प्रमाण अधिक असावं. बाहेरचा आहार घेतल्यास आजाराचा धोका असतो. कोणत्याही प्रकारचा संसर्ग झाल्यास तात्काळ डॉक्टरांचा सल्ला घ्यावा. वेळेत उपचार झाल्यास आजार वाढत नाही, असंही डॉक्टर धनेश्वर सांगतात.