चाळीशीनंतर निरोगी राहण्यासाठी करा 'हे' उपाय, तज्ज्ञांनी दिला महत्त्वाचा सल्ला

छत्रपती संभाजीनगर, 23 सप्टेंबर : घरातील प्रत्येक व्यक्तीची काळजी घेण्याचं काम घरातील महिला करत असतात. घरातील कामांसोबतच नोकरी आणि व्यवसायामध्येही महिला आघाडीवर आहेत. मात्र, या सर्व पातळ्यांवर धावपळ करत असताना अनेकदा महिलांचे स्वत:च्या आरोग्याकडं दुर्लक्ष होते. चाळीशी ओलांडल्यानंतर आयुष्यातील एक नवा टप्पा सुरू होतो. या टप्प्यात महिलांनी आरोग्याची काळजी कशी घ्यावी? विशेषत: त्यांचा आहार कसा असावा? याची माहिती छत्रपती संभाजीनगरमधील आहार तज्ज्ञ अलका कर्णिक यांनी दिली आहे.