कोळ्याच्या विषात Heart Attack चं औषध? कसं करणार काम? माहिती आली समोर

रिसर्च टीमच्या मते, Hi1a ट्रान्सप्लांट करण्यासाठी उपलब्ध डोनर हार्ट्सची संख्या वाढवण्यासाठी वापरता येऊ शकते. Hi1a डोनरच्या शरीरातून हृदय काढण्याच्या प्रक्रियेदरम्यान होणारे नुकसान टाळू शकते, असेही या टीमने सांगितले.

संशोधकांच्या मते, Hi1a ॲसिड-सेन्सिंग आयन चॅनेल 1a (ASIC1a) नावाच्या लहान रस्त्याला टार्गेट करते. हे पदार्थांना सर्क्युलेटरी सिस्टिमसह पूर्ण शरीरात पेशींमध्ये आणि बाहेर जाण्याची परवानगी देते. हार्ट ॲटॅकदरम्यान, रक्त प्रवाह कमी झाल्याने हृदयाच्या स्नायूंपर्यंत ऑक्सिजन पोहोचणे थांबते. ऑक्सिजनच्या कमतरतेमुळे सेल्युलर चेन रिअ‍ॅक्शन सुरू होते जी पेशींच्या पृष्ठभागावरील ASIC1a चॅनेल्सला ॲक्टिव्हेट करते.

ASIC1a चॅनेल्स उघडल्यावर चार्ज्ड मॉलिक्युल्स आत शिरतात व हृदयाच्या ऊतींना खूप ॲसिडिक बनवतात. यामुळे ऊती मरतात. क्वीन्सलँड विद्यापीठातील मॉलिक्यूलर बायोसायन्सचे प्राध्यापक ग्लेन किंग यांनी सांगितले की Hi1a ASIC1a या प्रक्रियेला थांबवण्यासाठी ASIC1a चॅनेल्सला ब्लॉक करते.

युरोपियन हार्ट जर्नलमध्ये प्रकाशित झालेल्या २०२३ च्या एका अभ्यासात, किंग आणि त्यांच्या सहकाऱ्यांनी दाखवले होते की उंदरांना Hi1a इंजेक्शन दिल्याने हार्ट ॲटॅकवेळी रक्त प्रवाहाच्या कमतरतेमुळे होणाऱ्या नुकसानापासून वाचवता येते. पेट्री डिशेसमध्ये मानवी हृदयाच्या स्नायूंच्या पेशींमध्ये असेच परिणाम दिसून आले.

माणसांवरील सुरुवातीचे ट्रायल यशस्वी झाल्यास रिसर्च टीम ट्रायलचे प्रमाण वाढवेल. फेज दोन आणि फेज तीनमधील ट्रायल्सच्या आधारावर औषधाची सुरक्षा व प्रभावाची तपासणी केली जाईल. क्लिनिकल ट्रायल पूर्ण व्हायला खूप वर्षे लागतात, त्यामुळे रुग्णांसाठी हे औषध केव्हा उपलब्ध होईल हे सांगता येणे कठीण आहे.