Benefits of Tulsi Plant बहुगुणी तुळशीचे आहेत ‘इतके’ फायदे, तुमच्या घरात असायलाच हवी आरोग्यदायी तुळस

मुंबई: हिंदू धर्मात अनेक झाडांना आध्यात्मिक महत्व आहे. जसं पूजा करताना केळीच्या झाडाचे खांब हवेत, कलशावर आंब्याची पानं हवीत, भगवान शंकराला वाहण्यासाठी बेलाची पानं हवीत, अशी एका ना अनेक उदाहरणे देता येतील. आध्यात्मिक महत्व असलेली दिसायला छोटीसी, मात्र वापरास बहुगुणी अशी वनस्पती म्हणजे तुळस. तुळशीशिवाय कोणती पूजा होऊ शकत नाही असं म्हटलं तर चुकीचं ठरणार नाही. तुळशीला देव मानून तिची पूजा केली जाते. दिवाळीनंतर जोपर्यंत तुळशीचं लग्न होत नाही तोपर्यंत लग्नाचे मुहूर्तही निघत नाहीत. गावातल्या प्रत्येक घराबाहेर तुळशी वृंदावन असतं तर शहरात कुंड्यांमध्ये तुळस दिसून येते. त्यामुळे तुळशीला प्रचंड अध्यात्मिक महत्त्व आहे. मात्र ही तुळस फक्त धार्मिकदृष्ट्याच नाही तर आरोग्याच्या दृष्टीने देखील फायद्याची आहे.