Hair Care Tips : हेअरवॉशनंतरही केस चिकट होतात? 'या' सोप्या ट्रिक्स फॉलो करा, होतील सिल्की आणि शायनी!

केस धुतल्यानंतर चिकट होण्याची अनेक कारणे असू शकतात. जसे की स्कॅल्पमध्ये अतिरिक्त तेल साचणे, चुकीच्या प्रकारचा किंवा अयोग्य शॅम्पू वापरणे, घाणेरड्या हातांनी वारंवार केसांना स्पर्श करणे, वेगवेगळी हेअर प्रॉडक्ट्स लावणे. याशिवाय महिलांमध्ये हार्मोन्सच्या असंतुलनामुळेही केस चिकट होण्याची समस्या दिसून येते. तसेच जर तुम्ही फक्त केसांवर शॅम्पू लावत असाल आणि स्कॅल्प नीट स्वच्छ करत नसाल, तरीही केस चिकट राहू शकतात.

- यासाठी कडुनिंब किंवा शिकाकाई पाण्यात भिजत घालून उकळा आणि त्या पाण्याने केस धुवा. केस धुतल्यानंतर ताजे अ‍ॅलोवेरा जेल केसांना लावा. आठवड्यातून एकदा केसांमध्ये मुलतानी मातीचा लेप नक्की लावा. यामुळे स्कॅल्प स्वच्छ होतो, अतिरिक्त तेल शोषले जाते, केस आणि स्कॅल्पला पोषण मिळते.