तुमचे हृदय कितपत निरोगी आहे? आता महागड्या ECG, Echo टेस्टशिवाय घरच्याघरी करा चाचणी

डॉक्टरांनी सांगितल्यानुसार जर तुम्ही दररोज ४० पायऱ्या दीड मिनिटांच्या आत चढत असाल आणि यामुळे तुम्हाला धाप लागत नसेल, थकवा जाणव नसेल तर समजून जा की तुमचे हृदय एकदम ठणठणीत आहे. हृदय कमकुवत असल्यास थोड्याशा श्रमाने लगेचच हृदयावरील ताण वाढतो आणि धाप लागते.

एका अभ्यासात असे आढळून आले आहे की, हृदयाचे आरोग्य किंवा हार्ट अटॅक येण्याची शक्यता तपासण्यासाठी BMI पेक्षाही कमरेचा आकार तपासणे अधिक फायदेशीर ठरू शकते. असे सांगितले जाते की पुरूषांची कंबर ३७ इंच आणि महिलांची कंबर ३१.५ इंच असणे हृदय कमकुवत असण्याचे लक्षण आहे. की पुरूषांची कंबर ४० इंच आणि महिलांची कंबर ३५ इंच असणे असे दर्शवते की तुमच्या हृदयाची स्थिती गंभीर आहे. लठ्ठपणामुळे हृदयावर जोर पडतो, वाईट कोलेस्ट्रॉल वाढतो आणि हे फॅट नसांमध्ये जमा झाल्यास ते ब्लॉकेजचे कारण बनू शकते.

नाडीच्या ठोक्यांना पल्स रेट आणि हार्ट रेट म्हटले जाते. हे ठोके मोजूनही आपण हृदयाचे आरोग्य तपासू शकतो. एका सामान्य वयाच्या क्रियाशील व्यक्तीच्या नाडीचे ठोके एका मिनिटाला ६०-१०० इतके असावेत. कमी हार्ट रेटमुळे धाप लागणे, चक्कर येणे अशा समस्या जाणवू शकतात.