Animal Care: पावसाळ्यात प्राण्यांना त्वचेचे विकार होण्याचा धोका, संसर्गापासून दूर ठेवण्यासाठी करा हे उपाय, Video

बीड: पावसाळा म्हणजे निसर्गाचा उत्सव, पण याच ऋतूमध्ये हवामानातील आर्द्रता आणि बदलामुळे पाळीव प्राण्यांच्या आरोग्यावर मोठा परिणाम होतो. कुत्रा, मांजर, ससा यांसारख्या प्राण्यांना त्वचेचे विकार, अपचन, कानात संसर्ग आणि पायांमध्ये बुरशी होण्याचा धोका अधिक असतो. विशेषतः पावसात भिजणे आणि नंतर ओल्या शरीरासोबत उबदार जागेत न राहिल्यास हे त्रास वाढतात. बीड जिल्ह्यातील रोहित इंगळे या पशुवैद्यकीय तज्ज्ञांच्या मते, पावसाळ्यात प्राण्यांची विशेष काळजी घेणे अत्यंत आवश्यक आहे.