Kashmiri Kahwa : रोजच्या चहाऐवजी ट्राय करा 'काश्मिरी काहवा', थंडीत शरीराला देईल उब! पाहा रेसिपी
- Published by:Pooja Jagtap
Last Updated:
How to make kashmiri kahwa : हिवाळ्यात चहाव्यतिरिक्तही अनेक उष्ण पदार्थ असतात, जे आपल्याला चहाइतकाच आनंद देऊ शकतात. 'काहवा' हे काश्मीरमधील असेच एक पारंपारिक पेय आहे. हा गरम मसाल्यांनी बनवलेला चहाचा प्रकार आहे.
मुंबई : आपल्याकडे थंडी म्हणलं की, सर्वात आधी आठवतो म्हणजे गरमागरम वाफाळता चहा. परंतु हिवाळ्यात चहाव्यतिरिक्तही अनेक उष्ण पदार्थ असतात, जे आपल्याला चहाइतकाच आनंद देऊ शकतात. 'काहवा' हे काश्मीरमधील असेच एक पारंपारिक पेय आहे. हा गरम मसाल्यांनी बनवलेला चहाचा प्रकार आहे. थंडीत काहवा प्यायल्याने आनंद तर मिळतोच शिवाय शरीराला उबही मिळते. म्हणून हिवाळ्यात नियमित चहाऐवजी तुम्ही हा चहा ट्राय करू शकता.
काहवा पिण्याचे काय फायदे
काहवा आरोग्यासाठी फायदेशीर मानला जातो. तो प्यायल्याने रोगप्रतिकारक शक्ती वाढते, पचन सुधारते, चयापचय वाढतो आणि ताण कमी होतो. हे फायदे असूनही रोज दोन कपपेक्षा जास्त सेवन केल्याने चिंता आणि हृदय गती वाढू शकते. चला तर मग घरी काश्मिरी काहवा कसा बनवायचा ते जाणून घेऊया.
काश्मिरी कहवा बनवण्यासाठी लागणारे साहित्य
- ग्रीन टी
advertisement
- केशर
- दालचिनी
- वेलची
- बदाम
- मध
काश्मिरी कहवा कसा बनवायचा
- काश्मिरी कहवा बनवण्यासाठी प्रथम एका भांड्यात पाणी उकळा. पाण्याचे प्रमाण व्यक्तीनुसार बदलते.
- उकळी आली की त्यात दालचिनी, वेलची आणि थोडे केशर घाला.
- काही सेकंदांनी, ग्रीन टी घाला आणि ते पूर्णपणे उकळू द्या.
- पाण्याला सुंदर रंग आणि मसाल्यांचा सुगंध येताच ते गॅस बंद करा.
advertisement
- तयार काहवा एका कपमध्ये गाळून घ्या आणि त्यात बारीक चिरलेले बदाम घाला. काहवा गोड करण्यासाठी त्यात चवीनुसार मध घाला.
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.
view commentsLocation :
Mumbai,Maharashtra
First Published :
Dec 20, 2025 11:19 AM IST
मराठी बातम्या/लाइफस्टाईल/
Kashmiri Kahwa : रोजच्या चहाऐवजी ट्राय करा 'काश्मिरी काहवा', थंडीत शरीराला देईल उब! पाहा रेसिपी
